ბრიტანეთის კონსერვატიული პარტიის ახალ ლიდერად რიში სუნაკი აირჩიეს, რაც იმას ნიშნავს, რომ ის მალე დიდი ბრიტანეთის პრემიერ-მინისტრი გახდება. 

რიში სუნაკმა თემთა პალატაში კონსერვატიული დეპუტატების უმრავლესობის მხარდაჭერა მოიპოვა. მისმა კონკურენტმა, თავდაცვის ყოფილმა მდივანმა და თემთა პალატის ლიდერმა პენი მორდაუნტმა ვერ მიიღო საჭირო 100 ხმა, რის შემდეგაც  გამოაცხადა, რომ ის „რბოლას ტოვებს“.

გარდა ამისა, კონსერვატიულმა ხელმძღვანელობამ უკვე დაადასტურა, რომ ის რჩება პარტიის ლიდერის ერთადერთ კანდიდატად და შესაბამისად, ის ავტომატურად გახდება დიდი ბრიტანეთის მომდევნო პრემიერი.

მეფე ჩარლზ III, სავარაუდოდ, მას ამ კვირაში დანიშნავს მთავრობის მეთაურად.

შეგახსენებთ, რომ დიდი ბრიტანეთის პრემიერ-მინისტრმა, ლიზ ტრასმა გადადგომის შესახებ განცხადება 20 ოქტომბერს გააკეთა.

როგორც მან აღნიშნა: „ვაღიარებ, შექმნილი ვითარებიდან გამომდინარე, არ შემიძლია იმ მანდატის შესრულება, რომლის გამოც ამირჩია „კონსერვატიულმა პარტიამ“.

ამასთან პრემიერობისთვის იბრძოდა, ბრიტანეთის ტოფილი პრემიერი-მინისტრი ბორის ჯონსონიც, რომელმაც კენჭისყრაზე საბოლოოდ უარი განაცხადა.

ავტორი: ექსპრესნიუსი,

სოციალური ქსელები

გორდულაძე – ევროპარლამენტმა უსაფუძვლო და თავდასხმაზე ორიენტირებული რეზოლუციები ცხრაჯერ გაისროლა და ცხრაჯერვე ააცილა

ირაკლი ნადირაძე - ივანიშვილის რუსულ, ავტოკრატიულ რეჟიმთან არც საპროცესო შეთანხმებას და არც შეწყალების თხოვნას არათუ არ ვაპირებ, არც კი განვიხილავ

გიორგი შარაშიძე – ქართული ოცნების ლიდერებმა საკუთარ თავს მოჰკითხონ, რატომ დგება დღის წესრიგში მათი დასანქცირების საკითხი

თურქეთში, საქართველოს საზღვართან ახლოს, სატვირთო მანქანების სადგომზე მეწყერი ჩამოწვა, რასაც მსხვერპლი მოჰყვა