ხარკოვის ოლქში, ქალაქ იზიუმში უკრაინის საგანგებო სიტუაციების სამსახურის მანქანა ნაღმზე აფეთქდა. შემთხვევის შედეგად ორი თანამშრომელი დაიღუპა, 4 კი დაშავდა. აღნიშნულის შესახებ ინფორმაციას ხარკოვის რეგიონალური სამხედრო ადმინისტრაციის თავმჯდომარე, ოლეგ სინეგუბოვი ავრცელებს.

სინუბეგოვის თქმით, საფრთხე იმისა, რომ ოლქში სხვა ტერიტორიაც იყოს დანაღმული, კვლავ მაღალი რჩება.

„იზიუმში, ნაღმზე აფეთქდა მანქანა საგანგებო სიტუაციების სახელმწიფო სამსახურის თანამშრომლებთან ერთად. სამწუხაროდ, 2 ადამიანი დაიღუპა, 4 კი დაშავდა",- წერს სინუბეგოვი.

მისივე თქმით, საგანგებო სიტუაციების სამსახურის თანამშრომლები გათავისუფლებული ტერიტორიის ნაღმებისგან გაწმენდას აგრძელებენ - მისივე თქმით, თანამშრომლებმა დღეში 657 ფეთქებადი მასალა გაანეიტრალეს.  

შეგახსენებთ, უკრაინაში სრულმასშტაბიანი შეჭრის შემდეგ რუსმა ოკუპანტებმა ხარკოვის ოლქის რამდენიმე დასახლება დროებით დაიკავა.

6 სექტემბერს უკრაინის არმიამ ამ რეგიონში კონტრშეტევა დაიწყო, ხოლო 14 სექტემბერს პრეზიდენტმა ვოლოდიმირ ზელენსკიმ განაცხადა, რომ ოლქი თითქმის მთლიანად გათავისუფლებული იყო. 

6 ოქტომბერს ხარკოვის რეგიონის ეროვნული პოლიციის მთავარი სამმართველოს საგამოძიებო განყოფილების ხელმძღვანელმა, სერგი ბოლვინოვმა განაცხადა, რომ განთავისუფლებულ ტერიტორიაზე დამპყრობლების მიერ მოკლული 534 უკრაინელის ცხედარი აღმოაჩინეს. კერძოდ, მასობრივი საფლავი, საიდაც 447 ცხედარი ამოიღეს.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს