სამი ბავშვი იყო შადრევანში უგონო მდგომარეობაში. რაც შევძელი, გავაკეთე - ორი ბავშვი გამოვიყვანე. სანამ ორი გამოვიყვანე, მესამის გამოყვანა დაგვიანდა, - ამის შესახებ მებაღე დევი მეზურნიშვილი ვაკის პარკში მომხდარ ტრაგედიასთან დაკავშირებით აცხადებს.

მისი თქმით, შადრევნიდან ამოყვანილ ბავშვებს პირველადი სასწრაფო დახმარება ადგილზე მყოფმა ხალხმა გაუწია.

"უამრავი ადამიანი იყო, მაგრამ არავინ ჩასულა, ალბათ, ყველას შეეშინდა. მე იმ მომენტში არც მიფიქრია, რომ იქ დენი იყო. რომ ჩავედი, მივხვდი, რომ მეც დენმა დამიჭირა, მაგრამ ამას არ ჰქონდა მნიშვნელობა. სამი ბავშვი იყო შადრევანში უგონო მდგომარეობაში. რაც შევძელი, გავაკეთე - ორი ბავშვი გამოვიყვანე. მესამის გადარჩენა ვერ მოხერხდა, რის გამოც ძალიან ვწუხხვარ. მასაც გავუწიეთ პირველადი დახმარება. ხალხი ცდილობდა ყველაფერს, მაგრამ უშედეგო აღმოჩნდა, როგორც ჩანს. სასწრაფოც მალე მოვიდა. შადრევანიც მალე გამოირთო. ორი ბავშვი სანამ გამოვიყვანე, მესამის გამოყვანა დაგვიანდა", - უთხრა "ტვ პირველს" დევი მეზურნიშვილმა. 

შეგახსენებთ, რომ გუშინ, ახლად გახსნილ ვაკის პარკის მრგვალ შადრევანში 3 მოსწავლე ჩავარდა. როგორც თვითმხილველები ჰყვებიან, მერვე კლასელ გოგონას თამაშის დროს ბურთი შადრევანში ჩაუვარდა, რომლის ამოღების მცდელობისას, დენმა დაარტყა. ექიმების მისვლამდე მის გადარჩენას ორი თანატოლი ბიჭი ცდილობდა.

ექიმებმა 13 წლის გოგონას გადარჩენა ვერ შეძლეს, მძიმეა მისი თანატოლის მდგომარეობაც. რაც შეეხება მესამე მოზარდს, 13 წლის ბიჭი იაშვილის კლინიკაში გადაიყვანეს, სადაც მართვის სუნთქვაზე იმყოფება.

ავტორი: ექსპრესნიუსი,

სოციალური ქსელები

ტრამპმა თეთრი სახლის ახალი პრესმდივანი დანიშნა

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია