გარემოს დაცვისა და სოფლის მეურნეობის სამინისტროს შემუშავებული პოლიტიკის შესაბამისად, დაცული ტერიტორიების სააგენტო, საქართველოს მთავრობის ხელშეწყობით, საერთაშორისო დონორი ორგანიზაციების, კერძო ინვესტიციების მხარდაჭერით, აქტიურად მუშაობს საქართველოს დაცულ ტერიტორიებზე ეკოტურიზმის განვითარების მიმართულებით. 

სოფლის მეურნეობის სამინისტროს ცნობით, 2023 წლის ბიუჯეტში, 18 მილიონის ფინანსური რესურსის ინვესტირება მოხდება ეკოტურისტული ინფრასტრუქტურის განვითარებაში, რაც ითვალისწინებს სალაშქრო ბილიკების ქსელისა და თანმდევი რეკრეაციულ-ტურისტული ზონების საპროექტო, სახარჯთაღრიცხვო დოკუმენტაციის მომზადებას და სამშენებლო სამუშაოებს. 2023 წელს, ასევე, განხორციელდება სხვადასხვა პროექტი, ეკოტურისტული ცნობიერების ამაღლების კუთხით.

„დაცული ტერიტორიების სააგენტო, მუშაობას აგრძელებს ეკოტურიზმის განვითარების მიმართულებით და მომდევნო წელს არაერთ პროექტს განვახორციელებთ, რაც მნიშვნელოვნად შეუწყობს ხელს ადგილობრივი მოსახლეობისთვის დამატებითი ეკონომიკური სარგებლის გაჩენას.

ეკოტურისტული სამუშაოები განხორციელდება უკვე ყველასათვის ცნობილ და პოპულარულ დაცულ ტერიტორიებზე, ლაგოდეხისა და კინტრიშის დაცული ტერიტორიების, ბორჯომ-ხარაგაულისა და მტირალას ეროვნული პარკების ადმინისტრაციებში. ასევე, ისეთ ტერიტორიებზე, რომლებიც ჯერ-ჯერობით უცნობია, მაგრამ დიდი პოტენციალი გააჩნიათ, მათ შორის, ერუშეთის ეროვნულ პარკში;  გათვალისწინებულია ბაწარა-ბაბანეურის სახელმწიფო ნაკრძალის ვიზიტორთა ცენტრის მშენებლობა და მარტვილის კანიონის ბუნების ძეგლის ტერიტორიაზე შემოვლითი ბილიკის მოწყობის სამუშაოები“- აღნიშნა დაცული ტერიტორიების სააგენტოს თავმჯდომარის მოადგილემ, ბესიკ კუსიდმა.

ეკოტურიზმის განვითარება, რეგიონებში და მუნიციპალიტეტებში, ნიშნავს ვიზიტორების რაოდენობის ზრდას, ახალი სამუშაო ადგილების შექმნას, სოციალურ-ეკონომიკური მდგომარეობის გაუმჯობესებას, მცირე და საშუალო ბიზნესის შექმნას და განვითარებას, მუნიციპალიტეტებში მაცხოვრებლების დაბრუნებას. 2017 წელს, გერმანელი კონსულტანტების მონაწილეობით განხორციელდა კვლევა - დაცული ტერიტორიების ეკონომიკური ეფექტის შეფასების მიზნით, რომლის მიხედვით, მხოლოდ 5 დაცული ტერიტორიის ეფექტი საქართველოს ეკონომიკაში 87 მილიონ ლარამდეა, ესენია ლაგოდეხის, მარტვილის, სათაფლიას, პრომეთეს, ყაზბეგის დაცული ტერიტორიები. 

აღსანიშნავია, რომ 2022 წელს არაერთი ახალი ეკოტურისტული სივრცე გაიხსნა და განახლდა. მათ შორის, გაიხსნა: წალკის კანიონი, ფშავ-ხევსურეთის ეროვნული პარკის ვიზიტორთა ცენტრი, ნავენახევის მღვიმე; მოეწყო: ვაშლოვანის ეროვნულ პარკში, არწივის ხეობაში  ახალი ეკოტურისტული ბილიკი, ლაგოდეხის დაცულ ტერიტორიებზე, ნინოსხევის ჩანჩქერის ახალი ბილიკი, მაჭახელას ეროვნულ პარკში ახალი საგამოფენო სივრცე, მტირალას ეროვნულ პარკში ეკოტურისტული ინფრასტრუქტურა და სხვა.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია