ამერიკული სადაზვერვო სააგენტოები მიიჩნევენ, რომ "პუტინის იდეოლოგის" ალექსანდრე დუგინის ქალიშვილის დარია დუგინას მკვლელობა უკრაინის ხელისუფლების მიერ განხორციელებული ფარული ოპერაციის შედეგი იყო. ამის შესახებ The New York Times ამერიკული დაზვერვის თანამოსაუბრეებზე დაყრდნობით იუწყება. 

აშშ-ის ოფიციალური პირები აცხადებენ, რომ მათ არაფერი იცოდნენ ასეთი ოპერაციის მომზადების შესახებ და რომ სცოდნოდათ, უკრაინას ხელს შეუშლიდნენ .

ისინი ასევე ამტკიცებენ, რომ დუგინას გარდაცვალების გამო უკრაინის ხელმძღვანელობას უკვე უსაყვედურეს.

მაგრამ, როგორც გამოცემა წერს, უკრაინის ხელისუფლება მკვლელობაში მათ მონაწილეობას უარყოფს.

შეერთებულ შტატებში ვარაუდობენ, რომ დუგინას ლიკვიდაციის უკან შესაძლოა უკრაინის მთავრობის ცალკეული ნაწილი დგას, დანარჩენებმა კი არ იცოდნენ ამის შესახებ.

გარდა ამისა, პენტაგონი ჩივის, რომ უკრაინა ყოველთვის არ უზიარებს შეერთებულ შტატებს რუსეთის წინააღმდეგ ომის გეგმებს.

ზოგიერთი ამერიკელი ოფიციალური პირი თვლის, რომ უკრაინის ხელისუფლების მიზანი იყო არა დუგინას მოკვლა, არამედ მისი მამის, ალექსანდრე დუგინის, რომელიც "რასიზმის" და "პუტინის ტვინის" იდეოლოგად ითვლება. დამნაშავეები, რომლებმაც ქალბატონთან ერთად მანქანა ააფეთქეს, ფიქრობდნენ, რომ ის მანქანაში მამასთან ერთად იჯდებოდა.

შეგახსენებთ, რომ 20 აგვისტოს,  მოსკოვის გარეუბანში აფეთქდა ავტომობილი, რომელშიც იმყოფებოდა ალექსანდრე დუგინის ქალიშვილი. უკრაინის პრეზიდენტის ადმინისტრაციამ  უარყო კიევის  მონაწილეობა დუგინას მკვლელობაში.

რუსეთის ფედერაციის სახელმწიფო სათათბიროს ყოფილმა დეპუტატმა ილია პონომარიოვმა განაცხადა, რომ მკვლელობაზე პასუხისმგებლობა  ე.წ. ეროვნულ-რესპუბლიკურმა არმიამ აიღო .

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს