მსურს, რომ კიევის და დასავლეთის ხელისუფლებამ მომისმინოს და კარგად გაიგონ - ლუგანსკსა და დონეცკში, ისევე როგორც ზაპოროჟიეში მცხოვრები ხალხი, ჩვენი მოქალაქეები ხდებიან და ასე იქნება სამუდამოდ, - რუსეთის პრეზიდენტმა, ვლადიმირ პუტინმა უკრაინის ოთხი ოკუპირებული რეგიონის ანექსიის შესახებ განკარგულებას ხელი მოაწერა.

როგორც პუტინმა გამართულ სხდომაზე განაცხადა, ყველა ის ოფიცერი თუ ჯარიკაცი, რომელიც "სპეციალური სამხედრო ოპერაციის" დროს დაიღუპა - გმირები არიან. 

პუტინმა გამოსვლისას რამდენჯერმე დასძინა, რომ უკრაინის ტერიტორიების მიერთება, დროებით ოკუპირებულ რეგიონებში მცხოვრები ხალხის ნება-სურვილი იყო. 

"ლუგანსკისა და დონეცკის სახალხო რესპუბლიკებში, ისევე როგორც ზაპოროჟიეში ჩატარდა რეფერენდუმი და შედეგები ცნობილია - ხალხმა გააკეთა თავისი ერთმნიშვნელოვანი არჩევანი და დღეს ვაწერთ ხელშეკრულებას ხელს, რომლის მიხედვითაც, რუსეთში მივიღებთ ამ ოლქებს და სახალხო რესპუბლიკებს.

ვიმედოვნებთ, რომ მხარს დაუჭერთ რუსეთის ფედერაციაში ოთხი ახალი სუბიექტის შემოსვლას, იმიტომ რომ ეს მილიონობით ადამიანის ნება და სურვილია. რა თქმა უნდა, მათი უფლებაა, რომელიც გაეროს პირველ პუნქტშია გაწერილი, სადაც ნათქვამია თვითგამორკვევის უფლებაზე ხალხების.

ვიმეორებ - ეს ადამიანის განუყოფელ უფლებაა და ისტორიულ კონტექსტშიც გამართლებულია, იმიტომ რომ ჩვენი მრავალი თაობა იბრძოდა ამისთვის - ძველი რუსეთიც ოდითგანვე იბრძოდა. მეორე მსოფლიოს დროსაც იბრძოდნენ ჩვენი ბაბუები და ბებიები. ყველა ის ოფიცერო თუ ჯარისკაცი, რომელიც სპეციალური სამხედრო ოპერაციის დროდ დაიღუპა - გმირები არიან.

მსურს, რომ კიევის და დასავლეთის ხელისუფლებამ მომისმინოს და კარგად გაიგონ - ლუგანსკსა და დონეცკში, ისევე როგორც ზაპოროჟიეში მცხოვრები ხალხი, ჩვენი მოქალაქეები ხდებიან და ასე იქნება სამუდამოდ",- განაცხადა პუტინმა.

ავტორი: ექსპრესნიუსი,

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!