სექტემბრის დასაწყისიდან, ჩვენი ტერიტორიის დაახლოებით 2000 კილომეტრი უკვე გათავისუფლებულია, - ამის შესახებ  უკრაინის პრეზიდენტმა, ვოლოდიმირ ზელენსკიმ თავის ვიდეომიმართაში განაცხადა. 

მისი თქმით, რუსული არმია ამ დღეებში აჩვენებს იმას, რისი გაკეთებაც საუკეთესოდ შეუძლია - გაქცევა. 

"ჩვენი ჯარისკაცების მოძრაობა ფრონტის სხვადასხვა მიმართულებით გრძელდება. ამჟამად, აქტიური ოპერაციების ფარგლებში, სექტემბრის დასაწყისიდან, ჩვენი ტერიტორიის დაახლოებით 2000 კილომეტრი უკვე გათავისუფლებულია. რუსული არმია ამ დღეებში აჩვენებს საუკეთესოს, რაც შეუძლია - გაქცევა. ეს კარგი არჩევანია მათთვის. უკრაინაში ოკუპანტების ადგილი არ არის და არც იქნება.

დღეს მადლობას ვუხდი უკრაინის ეროვნული გვარდიის მე-15 სლავური პოლკის მებრძოლებს, რომლებიც გამოირჩეოდნენ ხარკივის მიმართულებით. მადლობას ვუხდი 214-ე ცალკეული მსროლელი ბატალიონის ჯარისკაცებს ბალაკლიეში ვითარების უზრუნველსაყოფად, რომლებმაც დაზვერვის მთავარი სამმართველოს, სპეციალური ოპერაციების ძალებთან, ეროვნული გვარდიის სპეცრაზმთან და პოლიციასთან ერთად, სრული კონტროლი დაუბრუნეს ქალაქს.

მადლობა ყველა ჩვენს მცველს, რომლებმაც ამ კვირებში ჩვენი გამარჯვების მოახლოება კიდევ უფრო ხელშესახები გახადეს!", - განაცხადა ზელენსკიმ. 

ავტორი: ექსპრესნიუსი,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო