2022-09-04 18:34:14, 1995 ნახვა
მსოფლიო
„ჰიბრიდული ომი გამოგვიცხადეს“- მედვედევმა გერმანიას „რუსეთის მტერი“ უწოდა
რუსეთის ყოფილმა პრეზიდენტმა დიმიტრი მედვედევმა გერმანიას „რუსეთის მტერი“ უწოდა კანცლერ ოლაფ შოლცის სიტყვებზე საპასუხოდ, რომ რუსეთი არასანდო ენერგიის მიმწოდებელია.
„რუსეთი აღარ არის ენერგიის სანდო მიმწოდებელი“, - თქვა აღელვებულმა გერმანიის კანცლერმა შოლცმა.
"გერმანია: ა) არამეგობრული ქვეყანა; ბ) დააწესა სანქციები მთელი რუსეთის ეკონომიკისა და მისი მოქალაქეების წინააღმდეგ; გ) ამარაგებს უკრაინას ჩვენი შეიარაღებული ძალების წინააღმდეგ მიმართული ლეტალური იარაღით. ანუ გერმანიამ ჰიბრიდული ომი გამოაცხადა. ასე რომ, გერმანია მოქმედებს როგორც რუსეთის მტერი“, - განაცხადა მედვედევმა.
რუსეთის ფედერაციის უშიშროების საბჭოს თავმჯდომარის მოადგილემ დასძინა, რომ შოლცი გაკვირვებული არ უნდა იყოს გერმანიაში არსებული "გაზის მცირე პრობლემებით".
ავტორი: ექსპრესნიუსი,
epn.ge (@expressnews.ge)
