G7 ქვეყნების ფინანსთა მინისტრებმა მხარი დაუჭირეს რუსული ნავთობის ფასზე შეზღუდვების დაწესებას. 

„ჩვენ შევზღუდავთ პუტინის შესაძლებლობას დააფინანსოს თავისი ომი ნავთობის ექსპორტთან იმით, რომ ავკრძალოთ ისეთი სერვისების მიწოდება, როგორიცაა დაზღვევა და დაფინანსება გემებისთვის, რომლებსაც რუსული ნავთობი გადაჰყავთ შეთანხმებულ ფასზე მეტი,“ - თქვა ბრიტანეთის კანცლერმა ნადიმ ზაჰამ.

მისი თქმით, G7 ქვეყნები ერთიანები არიან რუსული „ბარბაროსული აგრესიის წინააღმდეგ და ყველაფერს გააკეთებენ, რათა მხარი დაუჭირონ უკრაინას სუვერენიტეტის, დემოკრატიისა და თავისუფლებისთვის ბრძოლაში“.

Financial Times- ის ცნობით , G7 ქვეყნების მიერ დამტკიცებული ლიმიტი ევროკავშირის ემბარგოს პირობების შესაბამისად იმოქმედებს. გამოცემის წყაროების ცნობით, 5 დეკემბრიდან იგეგმება ნავთობის ფასების შეზღუდვა, ხოლო მომავალი წლის 5 თებერვლიდან რუსულ ნავთობპროდუქტებზე.

ფასის ლიმიტს მხარს უჭერს ევროკომისია, მაგრამ ამისთვის ეფექტური იქნება მესამე ქვეყნების მხარდაჭერა, რომლებიც ყიდულობენ რუსეთის ნავთობის დიდ რაოდენობას, როგორიცაა ინდოეთი.

„ფასის ზღვარი უზრუნველყოფს, რომ ყველა ქვეყანას შეუძლია მიიღოს ყველაზე დაბალი ფასი, რაც კარგია მსოფლიოსთვის“, - თქვა ჯეიმს ო'ბრაიენმა, სანქციების კოორდინატორმა აშშ-ს სახელმწიფო დეპარტამენტში.

მოგეხსენებათ, მიმდინარე წლის თებერვალში, უკრაინაში რუსეთის სრულმასშტაბიანი შეჭრის შემდეგ, ენერგორესურსების ფასები მკვეთრად გაიზარდა. ომის დაწყების შემდეგ პუტინისა და რუსეთის ფედერაციის რეჟიმის წინააღმდეგ დასავლური სანქციების სერია მოჰყვა. უკრაინის პარტნიორების ძალისხმევის მიუხედავად, ფასების ზრდამ კრემლს ექსპორტიდან სუპერმოგება მოუტანა.

ავტორი: ექსპრესნიუსი,

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა