რუსეთის თავდასხმა ჩაპლინოს მატარებლის სადგურზე, ძალადობის ბარბაროსული ჩვენებაა მშვიდობიანი მოსახლეობის წინააღმდეგ,- ამის შესახებ საქართველოს პრეზიდენტმა, სალომე ზურაბიშვილმა განაცხადა.

მისი თქმით, საქართველო აგრძელებს უკრაინელი ერის გვერდით დგომას და სიცოცხლის ტრაგიკულ დანაკარგს გლოვობს.

„შოკირებული და დამწუხრებული ვარ ჩაპლინოს მატარებლის სადგურზე რუსეთის დარყმის გამო. საშინელი თავდასხმა, ძალადობის ბარბაროსული ჩვენება მშვიდობიანი მოსახლეობის წინააღმდეგ, უკრაინის დამოუკიდებლობის დღეს.

ვგლოვობ სიცოცხლის ტრაგიკულ დანაკარგს. საქართველო დგას უკრაინელი ერის გვერდით“,- წერს ზურაბიშვილი.

ცნობისთვის, დღეს ცნობილი გახდა, რომ მაშველებმა დნეპროპეტროვსკის რაიონის სოფელ ჩაპლინოში სამძებრო სამუშაოები დაასრულეს, სადაც რუსეთის არმიამ რაკეტებით რკინიგზას დაარტყა.

რუსები ჩაპლინოს რამდენჯერმე დაესხნენ თავს. დღისით მტრის რაკეტამ კერძო სახლი გაანადგურა. მოგვიანებით ოკუპანტებმა კვლავ შეუტიეს დასახლებას - ჯერ ერთი რაკეტით, შემდეგ კი კიდევ სამი.

დაღუპულთა რიცხვი 25-მდე გაიზარდა, მათგან ორი ბავშვია. გარდაცვლილებსა და დაშავებულებს შორის არიან რკინიგზის მუშები.

გარდა ამისა, რუსეთის ფედერაციის თავდაცვის სამინისტრომ დნეპროპეტროვსკის რაიონის, სოფელ ჩაპლინოში მომხდარში მონაწილეობა აღიარა

ავტორი: ექსპრესნიუსი,

სოციალური ქსელები

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე

პაპუაშვილი ელისაშვილის წინააღმდეგ: ტერორისტებიც ამბობენ, რომ უსამართლობას ებრძვიან

“მცირე ბიზნესის ჯაჭვი” - საქართველოს ბანკი ახალი ინიციატივით ბიზნესებს შორის თანამშრომლობას აძლიერებს

თიბისის ბიზნესგანათლების პროგრამაში, ივნისის თვეში, 600 მეწარმე ჩაერთო