2022-08-11 17:07:04, 1007 ნახვა
მსოფლიო
შოლცი - უკრაინის რეკონსტრუქციის პაკეტი მარშალის გეგმაზე მძლავრი იქნება
გერმანიის კანცლერის, ოლაფ შოლცის განცხადებით, უკრაინის რეკონსტრუქციის პაკეტი „უფრო მძლავრი “ იქნება, ვიდრე მარშალის გეგმა, რომელიც დასავლეთ ევროპას მეორე მსოფლიო ომისგან გამოწვეული კრიზისის დაძლევაში დაეხმარა.
ბერლინში გამართულ პრესკონფერენციაზე, შოლცი დაბალი შემოსავლის მქონე პირებს ფინანსურ დახმარებას დაპირდა, რადგან გერმანია ცდილობს გაუმკლავდეს ენერგორესურსების მზარდ ფასებს, რომელიც გამოწვეულია რუსეთის მიერ ბუნებრივი აირის მიწოდების შემცირებით.
„ზარალი დრამატულია, ის მილიარდები დაჯდება და მთელი გლობალურო საზოგადოებისგან გონივრული გადაწყვეტილებების შემუშავებას მოითხოვს.ეს იქნება დიდი, დიდი ამოცანა, რომელსაც მცირე კავშირი აქვს მარშალის გეგმასთან. ეს უფრო დიდი იქნება,”- აცხადებს შოლცი.
ავტორი: ექსპრესნიუსი,
epn.ge (@expressnews.ge)
