ოკუპანტებმა ღამით დნეპროპეტროვსკის რაიონი ისევ დაბომბეს, დაიღუპა 2 ადამიანი, ხოლო 7 კი დაშავდა,- ამის შესახებ დნეპროპეტროვსკის რეგიონალური სამხედრო ადმინისტრაციის ხელმძღვანელმა, ვალენტინ რეზნიჩენკომ განაცხადა.

მისი თქმით, ოკუპანტებმა ნიკოპოლის რაიონი სამჯერ დაბომბეს.

„ღამე დაბომბვითა და მსხვერპლით. რუსეთის არმიამ შეუტია რეგიონის ოთხ რაიონს. ნიკოპოლის რაიონი მტერმა სამჯერ დაბომბა გრადიდან. 120 გასროლა! ნიკოპოლში დაიღუპა 2 ადამიანი, დაიჭრა 7. ქალაქში 40-ზე მეტი მაღალსართულიანი კორპუსი დაზიანდა. დანგრეულია ხუთი ბინა. მაშველები ნანგრევებს ახარისხებენ და ადამიანებს ეძებენ. დაზიანებულია 3 სკოლა, რამდენიმე მაღაზია, ავტოფარეხი და ავტომობილი. ელექტროგადამცემი ხაზი გაითიშა, ნიკოპოლში 6000-ზე მეტი ადამიანი ელექტროენერგიის გარეშეა“, - განაცხადა რეზნიჩენკომ.

მოგვიანებით, რეზნიჩენკომ განაცხადა, რომ ნიკოპოლში დაბომბვის შედეგად დაღუპულთა რიცხვი სამამდე გაიზარდა.

„მაშველებმა მტრის დაბომბვის შედეგად ნანგრევებიდან კიდევ ერთი დაღუპული ადამიანის ცხედარი ამოიღეს. რუსების თავდასხმას რეგიონზე 3 ადამიანის სიცოცხლე ემსხვერპლა, 9 დაშავდა, მათგან 4 საავადმყოფოშია“,- დასძინა რეზნიჩენკომ.

შეგახსენებთ, რომ გუშინ 10 აგვისტოს მტერმა ნიკოპოლის რაიონი სარაკეტო ზალპური ცეცხლის სისტემებიდან ორჯერ  დაბომბა. თავდაპირველად ცნობილი გახდა 11 დაღუპულის შესახებ. მოგვიანებით, დაღუპულთა რიცხვი 13 ადამიანამდე გაიზარდა.

უკრაინის პრეზიდენტის აპარატის ხელმძღვანელის, ანდრეი ერმაკის განცხადებით, რუსი ოკუპანტები ნიკოპოლის რაიონში მდებარე ზაპოროჟიას ატომური ელექტროსადგურიდან იბრძოდნენ.

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა