Bloomberg საზღვაო ტრანსპორტისა და ევროპული დაზვერვის მონაცემებზე დაყრდნობით რუსეთის სამხედრო შეიარაღების მარაგებთან დაკავშირებით ინფორმაციას ავრცელებს.

მედიის ცნობით,  რუსეთმა უკრაინის წინააღმდეგ სისხლიანი ომის საწარმოებლად საჭირო იარაღი შესაძლოა კომერციული გემებით  სირიიდან შემოიტანოს, ამ ტიპის  გემებს სამხედრო კვალიფიკაცია არ აქვს  და თურქეთი მათ ბოსფორის სრუტით გაატარებს.

 როგორც ცნობილია, ივლისის ბოლოს, აშშ-ს მიერ სანქცირებულმა სავაჭრო გემმა სირიიდან რუსეთისკენ  ბოსფორის სრუტეზე გაიარა. ევროპული დაზვერვის წარმომადგენლები, რომლებიც თვალყურს ადევნებდნენ სპარტა II-ს, ამბობენ, რომ მას სამხედრო მანქანები გადაჰქონდა.

ამერიკელი ოფიციალური პირები ამბებონ, რომ რუსეთი  სავაჭრო გემებს შავი ზღვის გავლით სამხედრო მარაგების გადასატანად იყენებს.

"სპარტა II-მა სავარაუდოდ სამხედრო მანქანები ჩამოიტანა სირიის პორტის ტარტუსიდან, რომელსაც რუსეთი იყენებს, დაზვერვისა და სატელიტური სურათების მიხედვით 17-25 ივლისს,"- ამბობს ანონიმური წყარო.
.

საზღვაო თვალთვალის მონაცემები აჩვენებს, რომ გემი, რომელიც სანქცირებულ  კომპანია Oboronlogistics-ს ეკუთვნის, ამ თარიღებში ნატო-ს წევრი თურქეთის ჩარევის გარეშე მოგზაურობდა. თურქეთის ოფიციალურმა წარმომადგენელმა Bloomberg-ს განუცხადა, რომ სავაჭრო გემი შემოწმდება მხოლოდ იმ შემთხვევაში, თუ იქნება ინფორმაცია დარღვევის შესახებ.

ცნობისთვის,  თურქეთმა 26 თებერვალს დააწესა აკრძალვა შავ ზღვაში რუსული სამხედრო გემების გავლაზე.კრემლი ეძებს დამატებით რესურსებს უკრაინის წინააღმდეგ ომისთვის. ირანში , აგრესორი ცდილობს შეიარაღებული თვითმფრინავები შეიძინოს.

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა