„ქართული ოცნების“ დეპუტატი, მამუკა მდინარაძე ამტკიცებს, რომ არსებობენ კონკრეტული ძალები,  დასავლეთში, რომლებიც ცდილობენ, რომ საქართველოში „მეორე ფრონტი“ იყოს. 

მდინარაძე კიდევ ერთხელ შეეხო ევროკომისიის კრიტიკულ რეზოლუციას, რომელშიც ოლიგარქ ბიძინა ივანიშვილის დასანქცირებაზეა საუბარი და მას „ფეიკზე აგებული“ უწოდა.

"კონკრეტული ძალა, მათ შორის დასავლეთში, რომელიც ცდილობს, რომ საქართველო იყოს მეორე ფრონტი, შემთხვევითობას სხვა შემთხვევაში ვერ მივაწერდით, მაგალითად, 308 დეპუტის მხარდაჭერას იმ რეზოლუციის მიმართ, რომელიც მთლიანად ფეიკზე იყო აგებული, აქაც რომ ვერავინ შეძლო სპეკულირება იმ 308 დეპუტატს კი არ ვაბრალებ ამას მე, არსებობს რაღაც კონკრეტული, სერიოზული ძალა, რომელიც შვეიცარიის საბანკო სისტემის რეპუტაციასაც კი მეორე ხარისხოვან ადგილზე აყენებს, ოღონდ რაღაც დიდი ინტერესი იქნას აღსრულებული, ეს დიდი ინტერესი ყველა ხვდებით რაში მდგომარეობს, უზრუნველყოფს იმას, რომ 300-ზე მეტმა დეპუტატმა მხარი დაუჭიროს ფეიკ რეზოლუციას, თუმცა აქვე უნდა აღინიშნოს, რომ 200-ზე მეტმა დეპუტატმა მხარი არ დაუჭირა რეზოლუციას", - თქვა მდინარაძემ. 

მისივე განცხადებით, პარტია „ნაციონალური მოძრაობა“ განცხადებას აკეთებს, ადამიანების 70% საპირისპიროს ფიქრობს.

"როდესაც ისინი ნაცმოძრაობის მხარდაჭერით ამბობენ, რომ დასავლეთს არ უნდა ომი ძალიან ბევრი ადამიანი სწორედ ამის გამო იფიქრებს პირიქით, და ცოტა გაუფრთხილდნენ ამ ყველაფერს, როდესაც ნაცმოძრაობა ამტკიცებს რაღაცას, ადამიანები საპირისპიროს ფიქრობენ, მინიმუმ ამ ქვეყნის მოსახლეობის 70%. ამიტომ თვითონ ნუ დააყენებენ ისეთ მოცემულობას, რა ფრაზაც არასდროს არავინ გაგვიხმოვანებია და თვითონ იმართლებენ თავს,"- განაცხადა მდინარაძემ.

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება