სპეკულაციები, რომ თითქოს ქუჩაში ვტოვებთ ლტოლვილებს, ეს ასე ნამდვილად არ არის, - ამის შესახებ ჯანდაცვის მინისტრმა, ზურაბ აზარაშვილმა მთავრობის სხდომის შემდეგ გამართულ ბრიფინგზე განაცხადა. 

მისი თქმით, ამ საკითხის პოლიტიკურ თემებში გადაყვანა "მიზანშეუწონელია". 

"მოგეხსენებათ, უკრაინელი ლტოლვილები არიან სხვადასხვა ქვეყნებში გადანაწილებულები და ყველა ამ ქვეყნის პრაქტიკა და მაგალითები ვნახეთ. ასევე, მნიშვნელოანია, ჩვენ შემთხვევაში, როცა ქვეყანაში გვყავს 300 ათასამდე ჩვენი დევნილი თანამემამულე, ასევე ახლოს ყოფილიყო მათი დახმარების პაკეტთან და აქედან გამომდინარე, ჩვენ ავიღეთ ის მაქსიმუმი, რასაც ჩვენ ვაკეთებთ ჩვენი თანამემამულეებისთვის, ჩვენი დევნილებისთვის და ზუსტად მათთვისაც ეს თანხებია განსაზღვრული, რასაც ჩვენ ვაძლევთ ბინის საქირავებლად ყოველთვიურად და ასევე ეს 45-ლარიანი დახმარებაა ხელზე, რასაც თითოეულ ჩვენ დევნილს  ვაძლევთ ყოველთვიურად. აქედან გამომდინარე, ყველა ის სპეკულაცია და რაღაცა პოლიტიკურ თემებში გადაყვანა ამ საკითხის, ვფიქრობ მიზანშეუწონელია და მოვუწოდებ იმ პოლიტიკოსებს, ვისაც თითქოს ჩვენზე მეტად შესტკივა გული ამ პრობლემაზე, თავი დაანებონ პროვოკაციებს. დღეიდან უკვე დიდი ნაწილი სასტუმროებიდან ლტოლვილების გამოვიდნენ. უდიდეს ნაწილს ჩაერიცხათ უკვე ეს დახმარება... სპეკულაციები, რომ თითქოს ქუჩაში ვტოვებთ ლტოლვილებს, ეს ასე ნამდვილად არ არის. ასევე ჩვენი მხრიდან ხდება ამ თანხების ფარგლებში ბინების შეთავაზება სხვადახვა რაიონებში ჩვენმა თანამშრომლებმა მოიძიეს ასეთი ბინები", - განაცხადა აზარაშვილი. 

ავტორი: ექსპრესნიუსი,

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება