საქართველოს ეროვნული ბანკის ხელმძღვანელი, კობა გვენეტაძე პარლამენტის მოსმენაზე იმყოფებოდა, სადაც  საერთაშორისო საბანკო გადარიცხვების შეფერხების შესახებ ისაუბრა.

გვენეტაძის განცხადებით, რუსეთისთვის დაწესებული სანქციების ფონზე,   საერთაშორისო გადარიცხვების განმახორციელებელ შუამავალ ბანკებში შემოწმების სისტემა გართულებულ პროცედურებს მოითხოვს. ბანკები ტრანზაქციების დეტალურ შემოწმებებს ახდენენ. 

" იქიდან გამომდინარე, რომ ახლა არის უპრეცედენტო სანქციები რუსეთის მიმართ, ამან ძალიან ბევრი პრობლემა შექმნა გადარიცხვებისათვის. აქედან გამომდინარე, ის საკითხები, რაზეც არის საუბარი, არის გამოწვევა მთლიანად მსოფლიოში.საქართველო არის გლობალური ფინანსური სისტემის ნაწილი, აქედან გამომდინარე, როდესაც ხდება გადარიცხვები საკორესპონდენტო ბანკების საშუალებით, მან უნდა გაიაროს გარკვეული წესები და უნდა გითხრათ, რომ ამ სიტუაციაში ამ წესების შემოწმება კიდევ უფრო რუტინულად ხდება, რადგანაც ბოლო 5-6 წლის განმავლობაში მსოფლიოში არაერთი დიდი შემთხვევა იყო ფულის გათეთრების, ამიტომაც ფრთხილობენ ბანკები, რომელთაც დაემატა უკვე სანქციებიდან გამომდინარე საკითხები.ის, რომ უფრო რუტინულად ხდება შემოწმება, დღევანდელ სიტუაციაში არის აბსოლუტურად ბუნებრივი, ამიტომ იყო ის გადაწყვეტილება, რაც ჩვენ მაშინვე გამოვაცხადეთ. სანქციების გამოცხადებისთანავე მოვთხოვეთ ფინანსურ სისტემას, რომ მას დაეცვა აშშ-ის, ევროკავშირის და დიდი ბრიტანეთის მიერ დაწესებული სანქციები. ეს განაპირობებს ზუსტად იმას, რომ ჩვენ უზრუნველყოთ ამ ფინანსური ნაწილების დარჩენა,"- განაცხადა კობა გვენეტაძემ.

ეროვნული ბანკის ყოფილი პრეზიდენტი რომან გოცირიძე აცხადებს, რომ გადარიცხვების შეყოვნებამ ქართული ბიზნესი მძიმე მდგომარეობაში ჩააყენა.

ავტორი: ექსპრესნიუსი,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში