დონეცკის ოლქში, ჩასოვოი იარში ხუთსართულიან საცხოვრებელ კორპუსზე სარაკეტო თავდასხმის შედეგად 11 ივლისს 08:45 საათის მონაცემებით 18 ადამიანი დაიღუპა. ამის შესახებ ინფორმაციას უკრაინის საგანგებო სიტუაციების სამსახური ავრცელებს.

მაშველების ცნობით, შემთხვევის ადგილი  137 ტონა სამშენებლო ნანგრევისგან გაიწმინდა. დემონტაჟის პროცესში ნანგრევებში მოყოლილ ორ პირთან კონტაქტი დამყარდა.

რუსეთის ფედერაცია დონეცკის რეგიონს თავს დაესხა, მინიმუმ 30 ადამიანი, მათ შორის 9 წლის ბავშვი, საცხოვრებელი კორპუსის ნანგრევების ქვეშ იმყოფება.  ამის შესახებ დონეცკის რეგიონალური სამხედრო ადმინისტრაციის ხელმძღვანელმა, პავლო კირილენკომ განაცხადა.

მისივე თქმით, მაშველები ნანგრევების დემონტაჟს აგრძელებენ. მათ უკვე მოახერხეს ნანგრევების ქვეშ მყოფი შენობის ორ მცხოვრებთან კონტაქტის დამყარება. ნანგრევებიდან 6 გარდაცვლილის ცხედარი უკვე ამოყვანილია. 

„ჩასოვოი იარში 5-სართულიანი შენობის ნანგრევების ქვეშ სულ მცირე სამი ათეული ადამიანია, რომელსაც რუსებმა წუხელ ქარიშხლებიდან რაკეტებით დაესხნენ თავს. შენობის ორი შესასვლელი მთლიანად განადგურდა. ადგილზე მაშველები მუშაობენ - გადარჩენას ცდილობენ. ისინი, ვინც ნანგრევების ქვეშ იმყოფებოდნენ. ადგილობრივი მოსახლეობის თქმით, სავარაუდოდ, სულ მცირე 34 ადამიანია, მათ შორის 9 წლის ბავშვი“, - წერს ის.

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

ავტორი: ექსპრესნიუსი,

სოციალური ქსელები

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება