2022-07-05 12:56:27, 1374 ნახვა
სამართალი
ბათუმში, საცხოვრებელი კორპუსის ჩამონგრევის ფაქტზე დაკავებულ სამი პირს სასამართლომ პატიმრობა მიუსაჯა
ბათუმში, საცხოვრებელი კორპუსის ჩამონგრევის ფაქტზე დაკავებული სამი პირი საქალაქო სასამართლომ დამნაშავედ ცნო და პატიმრობა მიუსაჯა.
მოსამართლის გადაწყვეტილებით, ბინის მეპატრონეს ზაურ ბუდაგოვს 4 წლით, ხოლო მამა-შვილ ხუსეინ და გიორგი სურმანიძეს 3-3 წლით თავისუფლების აღკვეთა მიესაჯა.
ადვოკატი დაკავებულების ბრალდებას არ იზიარებს და სასამართლოს გადაწყვეტილებას "აბსურდულს" უწოდებს.
ცნობისთვის, ბათუმში, 26 მაისის ქუჩაზე, 8 ოქტომბერს, დაახლოებით, 12:00 საათზე საცხოვრებელი კორპუსის სადარბაზო ჩამოინგრა. სამაშველო ოპერაციის შედეგად მაშველებმა ნანგრევებიდან ადამიანების ამოყვანა შეძლეს, თუმცა შემთხვევას 9 ადამიანის სიცოცხლე ემსხვერპლა.
ავტორი: ექსპრესნიუსი,
epn.ge (@expressnews.ge)
