2022-06-30 11:32:01, 850 ნახვა
მსოფლიო
პუტინი კრემენჩუკზე - ჩვენ არ ვბომბავთ სამოქალაქო ინფრასტრუქტურას
რუსეთის პრეზიდენტმა ვლადიმერ პუტინმა უარყო ბრალდება იმის შესახებ, რომ რუსეთი დგას კრემენჩუკში, ცენტრალური უკრაინის სავაჭრო ცენტრზე თავდასხმის უკან, რომლის შედეგადაც სულ მცირე 18 ადამიანი დაიღუპა, ათობით უგზო-უკვლოდ დაიკარგა და დაიჭრა. მისივე თქმით, რუსული არმია არ ესხმის თავს სამოქალაქო ობიექტებს. "რუსეთის არმია არ ესხმის თავს არცერთ სამოქალაქო ობიექტს. ჩვენ ამის საჭიროება არ გვაქვს. ჩვენ გვაქვს ყველა შესაძლებლობა, რომ აღმოვაჩინოთ კონკრეტული ადგილები; და ჩვენი მაღალი სიზუსტის შორ მანძილზე მოქმედი იარაღის წყალობით ჩვენ ვაღწევთ ჩვენს მიზნებს", - თქვა პუტინმა. აშხაბადში "კასპიის ხუთეულის" ლიდერების - რუსეთის, აზერბაიჯანის, ირანის, ყაზახეთისა და თურქმენეთის - შეხვედრის შემდეგ გამართულ პრესკონფერენციაზე. ცნობისთვის, Telegram არხზე, რუსეთის თავდაცვის სამინისტრომ განაცხადა, რომ რუსულმა საჰაერო ძალებმა მაღალი სიზუსტის საჰაერო იარაღით დარტყმა მიაყენეს შეერთებული შტატებიდან და ევროპის ქვეყნებიდან მიღებული იარაღითა და საბრძოლო მასალებით დატვირთულ საწყობებს. „მაღალი სიზუსტის დარტყმის შედეგად, დასავლური წარმოების იარაღი და საბრძოლო მასალა, რომელიც კონცენტრირებული იყო საწყობში შემდგომი გადაზიდვისთვის დონბასში უკრაინული ჯარების ჯგუფისთვის, განადგურდა“, - აცხადებენ სამინისტროში.
ავტორი: ექსპრესნიუსი, |
ომი უკრაინაშიუკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|