თავდაცვისა და უშიშროების კომიტეტის თავმჯდომარე ირაკლი ბერაია „მთავარ არხს“ სიცრუესა და საზოგადოების შეცდომაში შეყვანის მცდელობაში ადანაშაულებს. 

ირაკლი ბერაია სოციალურ ქსელში,  25 ივნისს „მთავარ არხზე“ გასულ სიუჟეტს ეხმიანება, რომლის თანახმად, თურმე მიმდინარე წლის 30 მაისს იმყოფებოდა იტალიაში,  ვილა მუჯაში გამართულ წვეულებაზე.

ირაკლი ბერაიას თქმით, მიმდინარე წლის 27 მაისიდან 1 ივნისის ჩათვლით, საქართველოს საპარლამენტო დელეგაციასთან ერთად იმყოფებოდა ვილნიუსში, სადაც 28-30 მაისს მონაწილეობდა ნატო-ს საპარლამენტო ასამბლეის საგაზაფხულო სესიაში, ხოლო 31 მაისს და 1 ივნისს ორმხრივ შეხვედრებს მართავდა ლიეტუვას საკანონმდებლო და აღმასრულებელი ხელისუფლების წარმომადგენლებთან და ვერაინაირად ვერ იქნებოდა იტალიაში, სადაც ბოლოს 2017 წელს იყო. 

„მიმდინარე წლის 25 ივნისს, შაბათს, მთავარი არხის ეთერში გავიდა სიუჟეტი, რომლის თანახმად, თურმე, მიმდინარე წლის 30 მაისს ვიმყოფებოდი იტალიაში, ლაგო მაჯორეს სანაპიროზე, ქალაქ სტრესაში, ვილა მუჯაში გამართულ წვეულებაზე. აღნიშნული არის სრული სიცრუე და საზოგადოების შეცდომაში შეყვანის მცდელობა.

სინამდვილეში, მიმდინარე წლის 27 მაისიდან 1 ივნისის ჩათვლით, საქართველოს საპარლამენტო დელეგაციასთან ერთად ვიმყოფებოდი ვილნიუსში, სადაც 28-30 მაისს ვმონაწილეობდი ნატო-ს საპარლამენტო ასამბლეის საგაზაფხულო სესიაში, ხოლო 31 მაისს და 1 ივნისს ორმხრივ შეხვედრებს ვმართავდი ლიეტუვას საკანონმდებლო და აღმასრულებელი ხელისუფლების წარმომადგენლებთან… და ვერაინაირად ვერ ვიქნებოდი იტალიაში (სადაც ბოლოს 2017 წელს ვიყავი), როგორც ამას მთავარი არხი იუწყება.

ამ ე.წ. მედია ორგანიზაციის სიბინძურე და სიცრუე ყოველგვარ ზღვარს სცდება. იმდენად დეგრადირდნენ, რომ ხარისხიანადაც ვერ იტყუებიან. სხვა არხებზე მაინც გადაერთოთ ან ნიუსები წაეკითხათ იმის გასაგებად, რა დროს სად ვიყავი.. მაგრამ საკუთარ სიბინძურეში და სიცრუეში იხარშებიან და იწამლებიან ეს “მაღალყოვლად ობიექტურები, დამოუკიდებლები და კომპეტენტურები”. საზოგადოებაც უგუნური და მარტივად მოტყუებადი ჰგონიათ. ასეთია ამათი ნამდვილი სახე. ასე იტყუებიან ყოველთვის და ყველაფერში. მერე უკვირთ, რატომ არ ვაკეთებ მათთვის კომენტარს და რატომ არ ვეწერები. არც არასდროს ჩავეწერები ამ ავანტიურესტების ბრიგადას და ახალი თაობის მავნებლებს, ამ ბინძურ და სამარცხვინო პროპაგანდისტებს“ - წერს ირაკლი ბერაია Facebook-ზე.

ავტორი: NS (სტატია დაფინანსებულია),

სოციალური ქსელები

ნინო ნიჟარაძემ ხულოს მუნიციპალიტეტის მერთან ერთად, ხულოს სოფლის ექიმებთან შეხვედრა გამართა და ჟანგბადის კონცენტრატორები გადასცა

იუკნევიჩიენე - საქართველოს სჭირდება დებიძინიზაციის კანონები და არა რუსული, უცხოელი აგენტების კანონი

ოპოზიციური პარტიები - ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის

პესკოვი - უკრაინისადმი აშშ-ის სამხედრო დახმარება ფრონტის ხაზზე ვითარებას ვერ შეცვლის