უკრაინის საგარეო საქმეთა მინისტრმა დმიტრო კულებამ განაცხადა, რომ G7-ის ქვეყნებმა უკრაინის წინააღმდეგ ახალ სარაკეტო იერიშს რუსეთისათვის დამატებითი სანქციების დაწესებით უნდა უპასუხონ.

მისივე თქმით, რუსული იმპერიალიზმი უკრაინამ პარტნიორებთან ერთად უნდა დაასრულოს და დასავლეთმა ომში მყოფ ქვეყანას მძიმე შეიარაღება მიაწოდოს.

" 7 წლის უკრაინელ ბავშვს კიევში მშვიდად ეძინა, სანამ რუსული საკრუიზო რაკეტა არ აფეთქდა მის სახლში. უკრაინის გარშემო კიდევ ბევრი ნანგრევების ქვეშ იმყოფება. G7-ის სამიტმა უნდა უპასუხოს მეტი სანქციებით რუსეთს და მეტი მძიმე შეიარაღებით უკრაინას. რუსეთის ავადმყოფური იმპერიალიზმი უნდა დავამარცხოთ,"- წერს კულება.

შეგახსენებთ, რომ დიდი შვიდეულის G7-ის ქვეყნები რუსული ოქროს იმპორტს კრძალავენ. ამის შესახებ ბავარიაში G7-ის სამიტზე განაცხადეს, სადაც ომის შედეგად გამოწვეული ენერგოდეფიციტისა და საკვების კრიზისის განხილვაა დაგეგმილი. 

უკრაინის დედაქალაქ კიევზე რუსული სარაკეტო  თავდასხმის შედეგად დაშავებული ორი ადამიანი საავადმყოფოში გადაიყვანეს, სამაშველო ოპერაცია გრძელდება. ამის შესახებ ინფორმაციას კიევის მერი ვიტალი კლიჩკო ავრცელებს.

მისივე თქმით, დაშავებულების ჯანმრთელობის მდგომარეობა დამაკმაყოფილებელია. შევჩენკოვსკის რაიონში საცხოვრებელი კორპუსის ნანგრევებიდან შვიდი წლის გოგონა ამოიყვანეს. 

"მეგობრებო! შევჩენკოს რაიონში მდებარე საცხოვრებელ კორპუსში, რომელსაც რაკეტა მოხვდა, სამძებრო-სამაშველო სამუშაოები გრძელდება. ნანგრევების ქვეშ არიან ადამიანები. ზოგიერთი მაცხოვრებლის ევაკუაცია განხორციელდა, ორი დაშავებული საავადმყოფოში გადაიყვანეს. მაშველები აგრძელებენ მუშაობას, ექიმები მუშაობენ ადგილზე, შევჩენკოს რაიონში საცხოვრებელი კორპუსის ნანგრევებიდან შვიდი წლის გოგონა ამოიყვანეს, ის ცოცხალია,“, - განაცხადა კლიჩკომ.

ავტორი: ექსპრესნიუსი,

სოციალური ქსელები

დახმარებას დაგვპირდნენ - დიუშენის სინდრომის მქონე ბავშვების მშობლები საპატრიარქოს წარმომადგენლებს შეხვდნენ

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO