2022-06-23 14:30:56, 1101 ნახვა

---

529 ხმა 45-ის წინააღმდეგ - ევროპულმა პარლამენტმა მხარი დაუჭირა რეზოლუციას უკრაინისა და მოლდოვისთვის კანდიდატის სტატუსის მინიჭების შესახებ

ევროპულმა პარლამენტმა 529 ხმით 45-ის წინააღმდეგ მხარი დაუჭირა რეზოლუციას უკრაინისა და მოლდოვისთვის ევროკავშირის წევრობის კანდიდატის სტატუსის მინიჭების შესახებ. ინფორმაციას რადიო თავისუფლება ავრცელებს.

ევროკავშირის ლიდერები  ბრიუსელში უმაღლესი დონის შეხვედრაზე  შეიკრიბნენ, რომლის დღის წესრიგის მთავარ საკითხს მოლდოვისა და უკრაინისათვის ბლოკის კანდიდატის სტატუსის მინიჭება წარმოადგენს. კავშირის 27-ვე წევრმა ქვეყანამ უნდა დაუჭიროს მხარი ამ ნაბიჯს, რომელიც, სავარაუდოდ, არანაირ წინააღმდეგობას არ წააწყდება 23-34 ივნისის სამიტზე. ხოლო საქართველოს სამიტზე აცნობებენ, რომ იგი კანდიდატი ქვეყნის სტატუსს მიიღებს მხოლოდ მას შემდეგ, რაც თბილისი რიგ პირობებს შეასრულებს.

„ევროკავშირის საბჭო ცნობს უკრაინის, მოლდოვის რესპუბლიკისა და საქართველოს ევროპულ პერსპექტივას. ამ ქვეყნებისა და მათი მოქალაქეების მომავალი ევროკავშირის ფარგლებშია“, - ნათქვამია სამიტის დასკვნით დეკლარაციაში, რომელსაც რადიო თავისუფლება გაეცნო.

„ევროკავშირისკენ მიმავალ გზაზე თითოეული ქვეყნის პროგრესი დამოკიდებული იქნება კოპენჰაგენის კრიტერიუმების შესრულების მხრივ მათ საკუთარ დამსახურებაზე, ევროკავშირის შესაძლებლობის გათვალისწინებით მიიღოს ახალი წევრები,“- ხაზგასმული სამიტის დეკლარაციის პროექტში.

ცნობისთვის, ევროკომისიის რეკომენდაციით, საქართველოს უნდა მიეცეს ევროპული მომავლის საშუალება, მაგრამ კონკრეტული პირობებით, რომლის შესრულების შემთხვევაში მიეცემა კანდიდატის სტატუსი. აღსანიშნავია, რომ უკრაინამ და მოლდოვამ კანდიდატის სტატუსი ყოველგვარი დათქმების გარეშე მიიღეს.   კანდიდატის სტატუსის შესახებ საბოლოო გადაწყვეტილებას ევროკავშირის წევრი სახელმწიფოების ლიდერები ბრიუსელში, 23-24 ივნისს დაგეგმილ სამიტზე მიიღებენ.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი