უკრაინის საგარეო საქმეთა მინისტრის, დმიტრო კულებას განცხადებით, თუ მოკავშირეები იარაღის მიწოდებას შეწყვეტენ, ქვეყანა თავს ნიჩბებით დაიცავს. ამის შესახებ კულებამ ტელეარხ ARD-თან საუბრისას განაცხადა.

მისი თქმით, დასავლეთში არავის არ უნდა სჯეროდეს, რომ უკრაინელებს იარაღის მიწოდების გარეშე დათმობაზე წასასვლელად მეტი სურვილი ექნებათ.

„თუ იარაღს არ მივიღებთ, კარგი, მაშინ ნიჩბებით ვიბრძოლებთ, მაგრამ თავს დავიცავთ, რადგან ეს ომი ჩვენი არსებობის ომია“, - აღნიშნა კულებამ.

მინისტრმა ასევე დასძინა, რომ უკრაინას გაცილებით ნაკლები იარაღი აქვს ვიდრე რუსეთს.

„ამიტომ, რაც უფრო მალე მივიღებთ იარაღს, რაც უფრო მალე გაიგზავნება, მით მეტი დახმარება გვექნება, თუ იარაღი მოგვიანებით გაიგზავნება, მაინც ვიტყვით მადლობას, მაგრამ მერე ბევრი დაიხარჯება, ბევრი ადამიანი დაიღუპება. ”- ამბობს კულება.

შეგახსენებთ, რომ ავსტრალიამ უკრაინაში თავისი ჯავშანტრანსპორტიორები გაგზავნა.  სლოვენიამ ასევე გადასცა იარაღის დიდი პარტია, რომელშიც შედიოდა კალაშნიკოვის ავტომატები, ჩაფხუტი, ჯავშანი, სხვა აღჭურვილობა და 35 ქვეითი საბრძოლო მანქანა.

სლოვაკეთმა დაადასტურა, რომ უკრაინას გადასცემს 5 ვერტმფრენს და საბრძოლო მასალას Grad MLRS-ისთვის.

მედიამ ასევე გამოთვალა, რომ გერმანიამ უკრაინას სამჯერ ნაკლები იარაღი მიაწოდა, ვიდრე დაპირდა.

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის