ლატვიაში რუსული ტელეარხების ტრანსლირება იკრძალება,- ამის შესახებ ინფორმაციას ადგილობრივი მედია ავრცელებს.

მედიის ცნობით, ელექტრონული მედიის ეროვნულმა საბჭომ (NEPLP) აკრძალა ლატვიაში დარჩენილი 80 რუსული ტელეარხის მაუწყებლობა, რომლებიც ჯერ კიდევ ხელმისაწვდომი იყო ლატვიელი მაყურებლისთვის.

NEPLP-ის თავმჯდომარის ივარ აბოლინიშის თქმით, გადაწყვეტილება ახალი საკანონმდებლო ნორმის საფუძველზე იქნა მიღებული.

„გადაწყვეტილება ითვალისწინებს, რომ ქვეყანაში რეგისტრირებული პროგრამები, რომლებიც საფრთხეს უქმნიან სხვა ქვეყნის დამოუკიდებლობას და ტერიტორიულ მთლიანობას, არ შეიძლება მოქმედებდეს ლატვიაში.

გადაწყვეტილება ძალაში 9 ივნისს შედის და იმოქმედებს მანამ, სანამ რუსეთი არ დაასრულებს ომს და არ დათმობს ყირიმს.

აკრძალვა მოიცავს ისეთ არხებს, როგორიცაა „E TV“, „Illusion +“, „Kino24“, „Mir TV“, „Hunting and Fishing“, „Pepper“, „Russian Illusion“ და სხვა.

შეგახსენებთ, რომ რუსული არხების, მათ შორის გასართობი არხების დაბლოკვის შესახებ გადაწყვეტილება NEPLP-მა მარტის დასაწყისში მიიღო. გლობალ მედიამ, რომელიც ამ ტელეარხებს ლატვიაში ავრცელებს, გადაწყვეტილების შეჩერების მოთხოვნით სარჩელი შეიტანა.

29 აპრილს ადმინისტრაციულმა სასამართლომ მიიღო გადაწყვეტილება, დროებით დაებრუნებინა რუსული ტელეარხები „THT-Komedi“, „TNT4 International“, „Pyatnitsa“, „KHL TV Channel“ და „TNT Music“ ლატვიის ეთერში.

აღნიშნული გადაწყვეტილება სასამართლომ იმით ახსნა, რომ NEPLP-ს არ შეეძლო დაემტკიცებინა, როგორ ემუქრება გასართობი არხები ლატვიის სახელმწიფო უსაფრთხოებას.

NEPLP-მა ეს გადაწყვეტილება ზემდგომ სასამართლოში გაასაჩივრა. 26 მაისს საეიმამ საბოლოო მოსმენით მიიღო ცვლილებები კანონში ელექტრონული მედიის შესახებ, რომელიც ანიჭებს ელექტრონული მედიის ეროვნულ საბჭოს (NEPLP) უფლებას შეზღუდოს უცხოური პროგრამები, თუ ისინი მზადდება ქვეყნებში, რომლებიც საფრთხეს უქმნის სხვა ქვეყნების სუვერენიტეტს.

ავტორი: ექსპრესნიუსი,

სოციალური ქსელები

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით

კობახიძე - ძალადობრივი აქციები, რაც ვიხილეთ 2024 წელს, მანამდე რამდენიმე წლის განმავლობაში, იყო ინსტრუმენტი იმისა, რომ დაებრუნებინათ ხელისუფლებაში სისხლიანი პოლიტიკური ძალა