შეიარაღებული პირები საკვირაო წირვის დროს ნიგერიის ქალაქ ოვოს წმინდა ფრანცისკე კათოლიკურ ეკლესიაში შევიდნენ და ცეცხლი გაუხსნეს, დაღუპულია 50-მდე ადამიანი.

თვითმხილველების თქმით, თავდამსხმელებმა მრევლს ცეცხლი გაუხსნეს და შემდეგ მღვდელი და ეკლესიის სხვა დამსწრეები გაიტაცეს.

დაღუპულთა ან გატაცებულთა რიცხვი ჯერ არ დადასტურებულა, თუმცა წინასწარი ინფრომაციით დაღუპულია 50-მდე ადამიანი.

ადგილობრივი საავადმყოფოს ექიმმა, რომელსაც ციტირებს საინფორმაციო სააგენტო Reuters, თქვა, რომ „რამდენიმე მომლოცველი გარდაცვლილი მოიყვანეს". ამასთან, ეკლესიისა და საავადმყოფოს მონახულების შემდეგ, შტატის დეპუტატმა ოგუნმოლასუი ოლუვოლემ Associated Press-ს განუცხადა, რომ დაღუპულებს შორის იყვნენ ბავშვებიც.

ამასთან ონდოს შტატის გუბერნატორმა როტიმი აკერედოლუმ აღნიშნულ შემთხვევას უდანაშაულო ადამიანებზე „ბოროტი და სატანური თავდასხმა" უწოდა.

შეგახსენებთ, რომ ერთი კვირის წინ ნიგერიის მეთოდისტური ეკლესიის წინამძღვარი ორ სხვა სასულიერო პირთან ერთად ქვეყნის სამხრეთ-აღმოსავლეთში გაიტაცეს.

ავტორი: ექსპრესნიუსი,

სოციალური ქსელები

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით

კობახიძე - ძალადობრივი აქციები, რაც ვიხილეთ 2024 წელს, მანამდე რამდენიმე წლის განმავლობაში, იყო ინსტრუმენტი იმისა, რომ დაებრუნებინათ ხელისუფლებაში სისხლიანი პოლიტიკური ძალა