რუსეთის შეჭრის შემდეგ, თითქმის 14 მილიონი უკრაინელი იძულებული გახდა, საკუთარი სახლი დაეტოვებინა, ამის შესახებ ინფორმაციას გაეროს ლტოლვილთა უმაღლესი კომისარი ამინ ავადი ავრცელებს.

კომისრის თქმით, ამ ომმა მიუღებელი ზიანი მიაყენა ადამიანებს და სამოქალაქო ცხოვრების პრაქტიკულად ყველა ასპექტი მოიცვა. ომს გამარჯვებული არ ჰყავს და არ ეყოლება. ვინაიდან, 100 დღის განმავლობაში მსოფლიო გახდა იმის მომწმე, რომ  დაიკარგა: სიცოცხლე, სახლები, სამუშაო და პერსპექტივები.

„სულ რაღაც სამ თვეში, თითქმის 14 მილიონი უკრაინელი იძულებული გახდა დაეტოვებინა თავისი სახლები, მათი უმეტესობა ქალები და ბავშვები იყვნენ. 100 დღის შემდეგ ომი არ წყდება განსაკუთრებით ქვეყნის აღმოსავლეთში. ზამთრის დადგომასთან ერთად, მილიონობით მშვიდობიანი მოქალაქის სიცოცხლე შეიძლება საფრთხეში აღმოჩნდეს“,- წერია გაეროს მოხსენებაში.

გაეროს ინფორმაციით, ბოლო 100 დღის განმავლობაში მათ ჰუმანიტარული დახმარება მთელი ქვეყნის მასშტაბით დაახლოებით 8 მილიონ ადამიანს გაუწიეს, მათ შორის ალყაში მოქცეულ ქალაქებში აღმოსავლეთ უკრაინაში.

ამავდროულად, გაერთიანებული ერების ორგანიზაცია ცდილობს შეამსუბუქოს ომის დამანგრეველი ზემოქმედების გლობალური შედეგები სურსათის უსაფრთხოებაზე, მარცვლეულისა და სასაქონლო ვაჭრობის განბლოკვის მიზნით.

„ჩვენი დაუღალავი ძალისხმევა ომის დამანგრეველ ზემოქმედებაზე პასუხის გასაცემად გაგრძელდება, მტკიცედ და უცვლელად.მაგრამ უპირველეს ყოვლისა ჩვენ გვჭირდება მშვიდობა. ომი ახლა უნდა დასრულდეს“,- აღნიშნულია მოხსენებაში.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით

კობახიძე - ძალადობრივი აქციები, რაც ვიხილეთ 2024 წელს, მანამდე რამდენიმე წლის განმავლობაში, იყო ინსტრუმენტი იმისა, რომ დაებრუნებინათ ხელისუფლებაში სისხლიანი პოლიტიკური ძალა