შუახევის მერის ინიციატივით, დღის ცენტრის ბენეფიციარებთან, მშობლებთან და მასწავლებლებთან ერთად, ბათუმის დელფინარიუმში იმყოფებოდნენ

2022-06-02 17:44:57, 1553 ნახვა

რეგიონი

შუახევის მერის, ომარ ტაკიძის ინიციატივით, ბავშვთა დაცვის საერთაშორისო კვირეულის ფარგლებში, დღის ცენტრის ბენეფიციარები , მშობლებთან და მასწავლებლებთან ერთად, ბათუმის დელფინარიუმში იმყოფებოდნენ დელფინების შოუს სანახავად. ბავშვებმა, ბათუმის ცენტრალურ პარკში, გასართობ და შემეცნებით ღონისძიებებშიც მიიღეს მონაწილეობა.

შუახევის მერია, გაწეული ფინანსური მხარდაჭერისთვის, მადლობას უხდის ადგილობრივ ბიზნესმენს, ასლან მჟავანაძეს, რომელმაც სოციალური აქციის ფარგლებში ერთი დღე გაულამაზა დღის ცენტრის ბენეფიციარებს და სიმბოლური საჩუქრები გაუკეთა.

ასევე, აქციის ფარგლებში, ბავშვებს, ტკბილეული და საჩუქრები გადასცა შუახევის თვითმმართველობამ.

დღის ცენტრის ბენეფიციარებთან ერთად იმყოფებოდნენ შუახევის მერი, ომარ ტაკიძე, აჭარის უმაღლესი საბჭოს წევრი, ფრიდონ ფუტკარაძე, მერის მოადგილე რუსუდან შავაძე.