ევროკავშირის კანდიდატის სტატუსზე უარის თქმას ქართველი ხალხი მიიღებს, როგორც ქვეყნის დასჯას იმის გამო, რომ ომში არ ჩავერთეთ. დღეს ერთადერთი, ვისაც არ აწყობს ამ სტატუსის მინიჭება საქართველოსთვის, არის რუსეთი და თუკი ევროკავშირი ამას გააკეთებს, ის ძალაუნებურად შეასრულებს რუსეთის დაკვეთას, - ამის შესახებ საპარლამენტო უმრავლესობის წევრმა, დიმიტრი ხუნდაძემ imedinews-ს განუცხადა.

მისი თქმით, ევროკავშირმა უკრაინის ომის ფონზე თავად აღიარა, რომ შეცდომა დაუშვა, როდესაც 2008 წელს რუსეთს მკაცრად არ მოსთხოვეს პასუხი საქართველოს წინაშე ჩადენილი დანაშაულისთვის.

„გავეცანი საქართველოში ევროკავშირის ელჩის განცხადებას და არ დაგიმალავთ, ძალიან გამიკვირდა ის აქცენტები, რაზეც ელჩი ყურადღებას ამახვილებდა. როგორ შეიძლება დღევანდელი ხელისუფლება დემოკრატიული რეფორმების შეჩერებაში დაადანაშაულო მაშინ, როცა ციხეებში პატიმრის უფლებების დაცვა სწორედ ჩვენ დავიწყეთ, ადამიანის სიცოცხლე სწორედ ჩვენ ვაქციეთ სახელმწიფოს მთავარ პრიორიტეტად, ანტიდისკრიმინაციული კანონი სწორედ ჩვენ მივიღეთ, როდესაც საქართველოს მიტოვებული რეგიონები ჩვენ გავაცოცხლეთ, ევროპასთან ვიზალიბერალიზაციას სწორედ ჩვენ მოვაწერეთ ხელი და კიდევ რამდენი ჩამოვთვალო. ეს განცხადება არა ხელისუფლების, არამედ, ქართველი ხალხის დადანაშაულებაა, თითქოსდა ვერ ხვდებიან, ვინ უნდა აირჩიონ. 

ევროკავშირის გადაწყვეტილების წინ ასეთი განცხადების გაკეთება საზოგადოების ნეგატიური აზრის ჩამოყალიბებას ემსახურება. ჩვენს ევროპელ მეგობრებს ავიწყდებათ, რომ ეს საზოგადოება, რომელიც პირისპირ დგას რუს აგრესორთან, ევროპაში მეგობრებს ხედავს სწორედ ამ აგრესორისგან თვის დასაცავად. ევროკავშირმა უკრაინის ომის ფონზე თავად აღიარა, რომ შეცდომა დაუშვეს, როდესაც 2008 წელს რუსეთს მკაცრად არ მოსთხოვეს პასუხი საქართველოს წინაშე ჩადენილი დანაშაულისთვის. დღეს მათ შანსი ეძლევათ, რომ ის დანაშაული გამოასწორონ და ამის ნაცვლად ვისმენთ განცხადებებს, სადაც ჩვენ გვადანაშაულებენ. 

ერთადერთი, რაც „ქართულმა ოცნებამ“ არ გააკეთა, ეს არის ომში ჩართვა და ამით გადაარჩინა ქვეყანა. ევროკავშირის კანდიდატის სტატუსზე უარის თქმას ქართველი ხალხი მიიღებს, როგორც ქვეყნის დასჯას იმის გამო, რომ ომში არ ჩავერთეთ. დღეს ერთადერთი, ვისაც არ აწყობს ამ სტატუსის მინიჭება საქართველოსთვის, არის რუსეთი და თუკი ევროკავშირი ამას გააკეთებს, ის ძალაუნებურად შეასრულებს რუსეთის დაკვეთას“, - განაცხადა დიმიტრი ხუნდაძემ.

ავტორი: NS (სტატია დაფინანსებულია),

სოციალური ქსელები

საგარეო ევროკავშირს საკონსტიტუციო სასამართლოს ზეწოლაში და საქართველოს შიდა საქმეებში ჩარევაში ადანაშაულებს

შვილებს, მათ შორის, არასრულწლოვანს, მათივე ნების საწინააღმდეგოდ აიძულებდნენ ცოლად გაჰყოლოდნენ - პოლიციამ სამი პირი დააკავა თანასოფლელ მამაკაცებს

ბაზისბანკის მხარდაჭერით ფინანსური განათლების ეროვნული ჯილდო 2027 იწყება

ვენსი: უკრაინა „გარკვეული გაგებით“ პარტნიორია, მაგრამ მან უნდა შეწყვიტოს რუსეთის ნავთობგადამამუშავებელი ქარხნების დარტყმა