უკრაინის პრეზიდენტი ვოლოდიმერ ზელენსკი მორიგ ვიდეომიმართვას ავრცელებს და აღნიშნავს, რომ ომის მომავალი კვირები რთული იქნება, ვინაიდან რუსი ოკუპანტები ცდილობენ მოიზიდონ რეზერვები და გააძლიერონ პოზიციები. 

„რუსი ოკუპანტები ძალიან ცდილობენ აჩვენონ, რომ თითქოს არ დათმობენ ხარკოვის ოლქის დატყვევებულ ტერიტორიებს, არ დათმობენ ხერსონის რეგიონს, ზაპოროჟიეს ოლქის ოკუპირებულ ტერიტორიას და დონბასს. სადღაც წინ მიიწევენ, სადღაც. ისინი იზიდავენ რეზერვებს, სადღაც ცდილობენ გააძლიერონ პოზიციები. ომის მომავალი კვირები რთული იქნება. და ჩვენ ეს უნდა ვიცოდეთ", - აღნიშნა ზელენსკიმ.

მისივე თქმით, უკრაინელებს ბრძოლის ალტერნატივა არ აქვთ.

"ვიბრძოლოთ და გავიმარჯვოთ. გავათავისუფლოთ ჩვენი მიწა და ჩვენი ხალხი. იმიტომ, რომ ოკუპანტებს სურთ წაართვან ჩვენგან არა მხოლოდ რაღაც, არამედ ყველაფერი, რაც გვაქვს. მათ შორის უკრაინელების სიცოცხლის უფლება", - განაცხადა უკრაინის სახელმწიფოს მეთაურმა.

შეგახსენებთ, რომ უკრაინის შეიარაღებული ძალების გენერალური შტაბის ცნობით, 23 მაისის საღამოს, რუსმა დამპყრობლებმა სევეროდონეცკის მიმართულებით დანაკარგები განიცადეს და უკან დაიხიეს .

აასევე, ლუგანსკის მიმართულებით მტერმა ძალით ჩაატარა დაზვერვა, წარმატებას ვერ მიაღწია და უკან დაიხია.

ავტორი: ექსპრესნიუსი,

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება