საქართველოს სასამართლოს მიერ გამოტანილი გამამტყუნებელი განაჩენი ტელეკომპანია მთავარის, ნიკოლოზ გვარამიას და მისი ორი თანამოაზრის მიმართ დამაჯერებელი მტკიცებულებების გარეშე, წარმოადგენს საქართველოში კანონის უზენაესობის გაუარესების გაგრძელებას. - ამის შესახებ ინგორმაციას ევროპარლამენტის ძირითადი წევრები, რომლებიც აქტიურად მუშაობენ საქართველოზე ავრცელებენ.

მათივე თქმით, სამწუხაროდ, სასამართლოს საეჭვო გადაწყვეტილება ეხმიანება კრიტიკული მედიის წარმომადგენლების მიმართ დევნის, დაშინებისა და ფიზიკური თავდასხმის ფართოდ გავრცელებულ ზოგად მოდელს.

" საქართველოს სასამართლოს მიერ გამოტანილი გამამტყუნებელი განაჩენი ტელეკომპანია მთავარის, ნიკოლოზ გვარამიას და მისი ორი თანამოაზრის მიმართ დამაჯერებელი მტკიცებულებების გარეშე, წარმოადგენს საქართველოში კანონის უზენაესობის გაუარესების გაგრძელებას. ეს გადაწყვეტილება სერიოზულ საფრთხეს უქმნის საქართველოს ევროპულ მომავალს, რომელიც მოითხოვს დემოკრატიული ღირებულებების, მათ შორის მედიის თავისუფლებისა და კანონის უზენაესობის ვალდებულებებს.

სამწუხაროდ, სასამართლოს საეჭვო გადაწყვეტილება ეხმიანება კრიტიკული მედიის წარმომადგენლების მიმართ დევნის, დაშინებისა და ფიზიკური თავდასხმის ფართოდ გავრცელებულ ზოგად მოდელს. ბევრმა ჩვენგანმა ერთხელ უკვე ისაუბრა ბატონ გვარამიაზე არაეთიკური თავდასხმის წინააღმდეგ, როდესაც საქართველოს მთავრობის მაღალჩინოსანმა პარლამენტის ტრიბუნიდან ბ-ნი გვარამიას პირადი მონაცემები გაასაჯაროვა. მაშინ ჩვენს დასაბუთებულ შეშფოთებას მმართველი პარტიის წარმომადგენლები „რა“ არგუმენტებით შეხვდნენ.

საქართველოს სასამართლოს დაუსაბუთებელი გადაწყვეტილება არის დიდი ხნის ვადაგადაცილებული სასამართლო რეფორმის შედეგი, რომელიც საქართველოს მთავრობამ 19 აპრილის შეთანხმებით აიღო, მაგრამ არასოდეს შესრულებულა. შერჩევითი სამართალი და დემოკრატიული ინსტიტუტების შემდგომი გაუარესება გამოუსწორებელ ზიანს აყენებს საქართველოს რეპუტაციას და საფრთხეს უქმნის მის ევროპულ არჩევანს გახდეს კანდიდატი და საბოლოოდ ევროკავშირის წევრი. ეს სრულიად ეწინააღმდეგება იმას, რაც საქართველოს ხალხს სურს და იმსახურებს. " - ნათქვამია განცხადებაში.

აღნიშნულ განცხადებას ხელს აწერენ ევროპარლამენტის წევრები:

ანდრიუს კუბილიუსი (EPP)
ანა ფოტიგა (ECR)
მარკეტა გრეგოროვა (მწვანეები/EFA)
მაიკლ გალერი (EPP)
პეტრას აუშტრევიჩიუსი (განახლება)
რასა იუკნევიჩიენე (EPP)
რაფაელ გლუკსმანი (S&D)
სვენ მიკსერი (S&D)
ვიოლა ფონ კრამონი (მწვანეები/EFA).

შეგახსენებთ, რომ 16 მაისს ნიკა გვარამიას მოსამართლემ რუსთავი 2-ის საქმეზე 3 წელი და 6 თვით პატიმრობა შეუფარდა.  

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ