03:04 - 26 May, 2022
რეკლამა/ხელმოწერა
2022-05-14 14:21:40, 276 ნახვა

საზოგადოება
ირაკლი კობახიძის ქალთა ორგანიზაციის დამფუძნებელ კონფერენციაზე სიტყვით გამოვიდა

„ქართული ოცნების" თავმჯდომარის ირაკლი კობახიძის ქალთა ორგანიზაციის დამფუძნებელ კონფერენციაზე სიტყვით გამოვიდა:

„მოგესალმებით ქალბატონებო და ბატონებო, მივესალმები საქართველოს პრემიერ-მინისტრს, პარტიის პოლიტიკურ მდივანს, ბატონ ირაკლი ღარიბაშვილს, მივესალმები პარტიის გენერალურ მდივანს, ბატონ კახა კალაძეს, მივესალმები საქართველოს პარლამენტის თავმჯდომარეს, ბატონ შალვა პაპუაშვილს, მივესალმები პარტიის პოლიტიკური საბჭოს წევრებს, მივესალმები საერთაშორისო ორგანიზაციების წარმომადგენლებს, მივესალმები კონფერენციის მონაწილეებს, მივესალმები პარტიის ათასობით წევრს და ჩვენი ქვეყნის თითოეულ მოქალაქეს, რომელიც მედიის საშუალებით ადევნებს თვალყურს ჩვენს დღევანდელ ღონისძიებას.“- განაცხადა კობახიძემ.

კობახიძისთ თქმით, სიმბოლურია, რომ პარტიის - „ქართული ოცნება - დემოკრატიული საქართველოს“ ქალთა ორგანიზაცია სწორედ, თამარ მეფის ხსენების დღეს ფუძნდება.

„დღეს თამარობაა, თამარ მეფის ხსენების დღე. მეფისა, რომლის სახელსაც უკავშირდება ქართული სახელმწიფოსა და ქართული კულტურის ოქროს ხანა და რომელიც ქართულმა ეკლესიამ, სამშობლოსა და სარწმუნოების წინაშე განსაკუთრებული ღვაწლის გამო, წმინდანად შერაცხა. ყველას გილოცავთ ამ ღირსშესანიშნავ დღეს!“- აღნიშნა კობახიძემ.

გარდა ამისა, თავმჯდომარემ აღნიშნა, რომ საქართველოს მრავალსაუკუნოვან ისტორიაში ქალები ყოველთვის განსაკუთრებულ როლს ასრულებდნენ. ქალებს საქართველოში შეჰქონდათ უდიდესი წვლილი ჩვენი სახელმწიფოებრიობისა და სარწმუნოების დაცვაში, ქვეყნისა და მისი კულტურის განვითარებაში.

„დღესაც, საქართველოს ქალები, განურჩევლად მათი ეროვნებისა, განსაკუთრებულ როლს ასრულებენ ჩვენი ქვეყნის საზოგადოებრივ ცხოვრებაში. გამორჩეულია მათი როლი განათლებისა და მეცნიერების სფეროში, ქალებს უდიდესი წვლილი შეაქვთ ქართული კულტურის განვითარებაში, ისინი მსოფლიოს მასშტაბით ასახელებენ ჩვენს ქვეყანას სპორტულ ასპარეზზე, ქალებს უმნიშვნელოვანესი წვლილი შეაქვთ საზოგადოებრივი ცხოვრების სხვადასხვა სფეროს მართვაში, საჯარო სამსახურში, ქართული ეკონომიკის განვითარებაში.“-განაცხადა „ქართული ოცნების" თავმჯდომარემ.

ამასთან ერთად, კობახიძემ პოლიტიკაში ქალების აქტიურ მონაწილეობას, განსაკუთრებული მნიშვნელობა მიანიჭა. მისი თქმით, ამისათვის, პარტიამ გასული წლების განმავლობაში არაერთი მნიშვნელოვანი ნაბიჯი გადადგა. განსაკუთრებული აღნიშვნის ღირსია გენდერული კვოტების შემოღება, რომლის საფუძველზეც როგორც საქართველოს პარლამენტში, ისე მუნიციპალურ საკრებულოებში ქალების წარმომადგენლობა არსებითად გაიზარდა. თუმცა, პოლიტიკურ ცხოვრებაში ქალების კიდევ უფრო აქტიური როლის უზრუნველსაყოფად მეტია გასაკეთებელი.

„სწორედ ამ მიზანს ემსახურება ჩვენი პარტიის ქალთა ორგანიზაციის დაფუძნებაც. პარტიის ქალი წევრების პროფესიული განვითარებისა და კარიერული ზრდის ხელშეწყობა, პარტიის ქალ წევრებს შორის კომუნიკაციის, თანამშრომლობისა და გამოცდილების ურთიერთგაზიარების ახალი ინსტრუმენტების შექმნა, პარტიის საერთაშორისო ურთიერთობებში პარტიის ქალი წევრების როლის გააქტიურება იქნება ამ ორგანიზაციის უმთავრესი   ამოცანები. ამასთან, ცხადია, მმართველი პარტიის ქალთა ორგანიზაციის წარმატებულ მუშაობას შეუძლია მნიშვნელოვანი წვრილი შეიტანოს, ზოგადად, ქვეყანაში ქალების გაძლიერებასა და საზოგადოებრივი ცხოვრების სხვადასხვა სფეროში მათი როლის გააქტიურებაში.

გვაქვს ამბიციური გეგმები და ამ გეგმების განხორციელებაში ჩვენი პარტიის ქალთა ორგანიზაციას წარმატებები მინდა ვუსურვო.“- განაცხადა ირაკლი კობახიძემ.

 

 




ავტორი: NS (სტატია დაფინანსებულია),


სოციალური ქსელები
პრინცი ჩარლზი რუმინეთში უკრაინელ ლტოლვილებს სტუმრობს
ომის დაწყებიდან დღემდე საქართველოს ტერიტორიაზე უკრაინის 20 ათასამდე მოქალაქე შემოვიდა
ხარკოვში, დაბომბვის შედეგად 2 ადამიანი დაიღუპა და 7 დაშავდა, მათ შორის ბავშვია
კასპის მუნიციპალიტეტის ადგილობრივმა ხელისუფლებამ გელა თიგიშვილის ხსოვნას პატივი მიაგო

ომი უკრაინაში

ვიდეო/LIVE

გია ბერიაშვილი და დავით რატიანი საქართველოში ჩამოასვენეს












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics