ყველა ქალაქში, სადაც რუსი დამპყრობლების მიერ ჩადენილი დანაშაულის შემთხვევები ფიქსირდება, მოლაპარაკების გამართვის სურვილი ქრება,- ამის შესახებ უკრაინის პრეზიდენტმა ვოლოდიმერ ზელენსკიმ განაცხადა.

სახელმწიფოს მეთაურის განცხადებით, უკრაინა მზად არის მოლაპარაკებებისთვის, ამასთან მას სურს აღადგინოს ქვეყნის ტერიტორიული მთლიანობა, სანამ ომის დასრულება შესაძლებელი იქნება.

„ყოველ ახალ ბუჩასთან, ყოველ ახალ მარიუპოლთან, ყოველ ახალ ქალაქთან, სადაც ათეულობით მშვიდობიანი მოქალაქე იხოცება, გაუპატიურების შემთხვევები და ახალი ყოველი ახალი დანაშაულის შემთხვევაში, რუსეთთან მოლაპარაკების სურვილი იკარგება, ისევე როგორც ამ საკითხის გადაჭრის შესაძლებლობა“, - განაცხადა ზელენსკიმ.

გარდა ამისა, ზელენკიმ განაცხადა, რომ როგორც კი უკრაინა ყველაფერს დაიბრუნებს, რაც მას ეკუთვნის, ომიც მაშინ დასრულდება.

შეგახსენებთ, რომ მანამდე პრეზიდენტმა აღნიშნა, რომ უკრაინას შესაძლოა რუსეთთან მოლაპარაკებები სრულად შეეწყვიტა, მიზეზი კი ტყვედ ჩავარდნილი მშვიდობიანი მოქალაქეებისა და სამხედროების მკვლელობა იქნებოდა.

ამასთან, რუსეთის პრეზიდენტმა პუტინმა განაცხადა, რომ უკრაინასა და რუსეთის ფედერაციას შორის მოლაპარაკებები, სავარაუდოდ, ჩიხში იყო.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს