სამხედრო წარუმატებლობის გამო რუსეთი თავის პროპაგანდას ცვლის,- ამის შესახებ ინფორმაციას უკრაინის სადაზვერვო სამსახური Telegram-ით ავცრელებს.

დაზვერვის ცნობით, ოკუპანტი ქვეყნის არმია განიცდის კატასტროფულ დანაკარგებს და მარცხებს უკრაინის მხირდან.

„იმისათვის, რომ შეეცვალათ რუსების წარმოდგენა სამხედრო „უძლეველობის“ შესახებ და მოემზადებინათ საზოგადოება შესაძლო დამარცხებისთვის, რუსულ მედიას დაევალა საუბარი რუსეთ-უკრაინის ომზე, როგორც შეიარაღებულ დაპირისპირებაზე რუსეთსა და ევროკავშირისა და ნატო-ს ყველა ქვეყანას შორის“, - აღნიშნულია დაზვერვის განცხადებაში.

გარდა ამისა, დაზვერვის ინფორმაციაში აღნიშნულია, რომ კრემლის ტელეარხებს, ონლაინ მედიის ხელმძღვანელებსა და პუტინის მომხრე ბოტების არმიას უკვე ევალებათ გადავიდნენ ახალ საინფორმაციო პოლიტიკაზე.

„ოკუპანტი ქვეყნის პროპაგანდისტები საკუთარი გადარჩენისთვის გაერთიანების აუცილებლობისა და კრემლის დიქტატორის პოლიტიკის მიმართ ბრმა ნდობის შესახებ ტვინებს ახლა რუსებს გაურეცხავენ,“- წერს უკრაინის დაზვერვა.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

TORCAL-ის პრემიერა - „ბენტლიმ“ პირველი, უნიკალური ელექტრომობილი წარადგინა

60%-მდე ფასდაკლება ელექტრონულ სატენდერო გარანტიაზე საქართველოს ბანკისგან

შსს ენმ-ს აქციაზე - მოვუწოდებთ, არ გასცდნენ კანონით დადგენილ ნორმებს

ComCom-ი კვლავ ჩაერია ტელევიზიის სარედაქციო დამოუკიდებლობაში და „ფორმულა" 10,000 ლარით დააჯარიმა