ლუგანსკის ოლქში, ბელოგოროვკის სკოლაზე რუსმა ოკუპანტებმა იერიში მიიტანეს, რის შედეგად 60 ადამიანი დაიღუპა. ამის შესახებ ლუგანსკის რეგიონალური სამხედრო ადმინისტრაციის ხელმძღვანელი, სერგეი გაიდაი იუწყება. 

მისივე თქმით, ეს არის "რუსული სამყაროს" ნამდვილი სისასტიკე, ვინაიდან მათ არ აინტერესებთ ვის მოკლავენ, ამიტომაც სკოლებსა და ბავშვებს ბომბავენ.

„ბელოგოროვკაში სკოლაზე საჰაერო თავდასხმას 60 ადამიანი ემსხვერპლა. 7 მაისს, 16:37 საათზე, ბელოგოროვკაში, რუსეთის საჰაერო დარტყმამ გამოიწვია ხანძარი სკოლის შენობაში დაახლოებით 300 კვადრატული მეტრის ფართობზე და საზოგადოებრივ ცენტრში. ცეცხლი თითქმის ოთხი საათის განმავლობაში ლიკვიდირებული იყო, შემდეგ დემონტაჟი და, სამწუხაროდ, იპოვეს ორი ადამიანის ცხედარი, ნანგრევებიდან 30 ადამიანის ევაკუაცია განხორციელდა, მათგან შვიდი დაშავდა, სავარაუდოდ, 60-ვე ადამიანი, რომელიც შენობების ნანგრევებში დარჩა გარდაიცვალა.

ეს არის "რუსული სამყაროს" ნამდვილი სისასტიკე: სკოლის ცინიკური დაბომბვა, ბავშვების მკვლელობა. რუსებს არ აინტერესებთ ვის მოკლავენ",- განაცხადა სერგეი გაიდაიმ. 

შეგახსენებთ, რომ რუსმა ოკუპანტებმა ბელოგოროვკის სკოლაზე, რომლის სარდაფში 90-მდე ადამიანი იმალებოდა, იერიში 7 მაისს მიიტანეს.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს