უკრაინის ოფიციალური პირების თქმით, რუსი ოკუპანტები ავიწროებენ მშვიდობიან მოქალაქეებს, რომლებიც ცდილობენ ოკუპირებული ხერსონის ტერიტორია დატოვონ. 

ხერსონის რაიონული საბჭოს თავმჯდომარის მოადგილემ იური სობოლევსკიმ მედიათან საუბრისას განაცხადა, რომ ქალაქიდან გასვლა გართულებულია, რადგან რუსები მოსახლეობას უკან აბრუნებენ. 

 "ქალაქიდან გასასვლელი გართულდა. არის შემთხვევები, როდესაც ადამიანები ახერხებენ გამოსვლას, თუნდაც ავტობუსით, მაგრამ ადამიანების უმეტესობას უკან აბრუნებენ. კვანძები გადაკეტილია. არის შემთხვევები, როდესაც ისინი [რუსული ძალები] სჩადიან შეურაცხყოფას საგუშაგოებზე: ძალიან საფუძვლიან ფრიდს, აიძულებენ მამაკაცებს გააშიშვლდნენ, უმოწმებენ ტატუებს", - ამბობს სობოლევსკი. 

მისივე თქმით, აღდგენილია მობილური კავშირები და ინტერნეტთან წვდომა, რათა ხერსონში მცხოვრებ ადამიანებს შეეძლოთ დაუკავშირდნენ ოჯახებს უკრაინის სხვა ნაწილებში.

ცნობისთვის, სამხრეთის ქალაქი ხერსონი იყო პირველი უკრაინული ქალაქი, რომელიც მოექცა რუსეთის კონტროლს და მას შემდეგ უამრავი ადამიანი ცდილობდა გაქცევას. გასული კვირების განმავლობაში, ხერსონის რეგიონში გაჩნდა საშინელი ბრალდებები რუსული ძალების მიერ გაუპატიურებისა და სისასტიკის შესახებ.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს