აჭარის ჯანმრთელობისა და სოციალური დაცვის სამინისტროში, ,,ეკომიგრანტი ოჯახის საცხოვრებლით უზრუნველყოფის პროგრამის“ ფარგლებში, შერეული კომისიის მორიგი სხდომა გაიმართა. ამის შესახებ ინფორმაციას აჭარის ჯანდაცვის სამინისტრო ავრცელებს.

უწყების ცნობით, სხდომაზე განხილული იქნა ქედის, შუახევისა და ხულოს მუნიციპალიტეტების მერიების შუამდგომლობები - ჯამში 28 ოჯახის პროგრამაში ჩართვის მიზნით. აქედან, პროგრამაში 17 ოჯახის ჩართვაზე კომისიამ დადებითი გადაწყვეტილება მიიღო, ხოლო 11 ოჯახზე, მერიებისგან მოითხოვა დამატებითი ინფორმაციები, რომელთაც უწყებები უახლოეს პერიოდში წარმოადგენენ.

სხდომაზე ასევე იმსჯელეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროსა და აჭარის ა რ ჯანმრთელობისა და სოციალური დაცვის სამინისტროს შორის გაფორმებული ხელშეკრულებების ფარგლებში მომზადებული 7 საცხოვრებელი სახლის ტექნიკური და საბაზრო ღირებულებების შესახებ ექსპერტიზის დასკვნები, რომელთა შესაბამისად, შვიდი ეკომიგრანტი ოჯახისთვის საცხოვრებელი სახლის შესყიდვა უახლოეს პერიოდში განხორციელდება.
კომისიას აჭარის ჯანდაცვის მინისტრის მოადგილე ზურაბ თენიეშვილი ხელმძღვანელობდა. სხდომას ასევე ესწრებოდნენ სამინისტროს სტიქიით დაზარალებულთა საქმეების დეპარტამენტის და თვითმმართველობების წარმომადგენლები.

,,ეკომიგრანტი ოჯახის საცხოვრებლით უზრუნველყოფის“ პროგრამის ბიუჯეტი წელს 3 080 000 ლარია. გასულ წელს პროგრამით 50 ეკომიგრანტმა ოჯახმა ისარგებლა. მიმდინარე წელს 20 ოჯახმა, ხოლო კიდევ 20 ოჯახს ხელშეკრულება უახლოეს მომავალში გაუფორმდება

ავტორი: NS (სტატია დაფინანსებულია),

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს