ბრიტანეთის პრემიერ-მინისტრმა ბორის ჯონსონმა განაცხადა, რომ დიდი ბრიტანეთი განაგრძობს  უკრაინის დახმარებას მანამ, სანამ  დახმარება საჭირო იქნება.

 როგორც პრემიერ-მინისტრმა უკრაინის საელჩოს მიერ გამართულ დაფინანსების მოზიდვის ღონისძიებაზე სიტყვით გამოსვლისას აღნიშნა, რუსეთის პრეზიდენტი ვლადიმერ პუტინი ვერასოდეს გატეხს უკრაინელი ხალხის სულს.

 "პატივია ვისაუბრო ჩემი მეგობრის, ვოლოდიმირ ზელენსკის შემდეგ, ის თანამედროვეობის მართლაც ერთ-ერთი ყველაზე წარმოუდგენელი ლიდერია.რა კურთხევაა უკრაინისთვის და მსოფლიოსთვის და რა უბედურებაა პუტინისთვის, რომ ის ახლა უკრაინას ხელმძღვანელებს კიევში.თითქმის ზუსტად 80 წლის წინ, 1942 წელს, BBC-მ პირველად გადასცა მსოფლიოს შოსტაკოვიჩის ლენინგრადის სიმფონია. მას უკრავდა ნახევრად მშიერი ორკესტრი ლენინგრადის ალყის დროს, როცა მას ნაცისტები ურტყამდნენ და ეს სიმფონია ფაშიზმის წინააღმდეგობისა და ადამიანის სულის ძალის სიმბოლოდ იქცა.არ ვიცი, ვლადიმერ პუტინი შოსტაკოვიჩის მოყვარულია თუ არა, მაგრამ ტრაგიკული ირონია არ არის ის, რომ რუსეთის ლიდერი, თავად ლენინგრადიდან, ახლა არ უნდა ამგრევდეს უკრაინის ქალაქებს, როგორც ეს ვოლოდიმირმა ახლახან აღწერა.მოშიმშილე მშვიდობიანი მოსახლეობა, მათი სახლების დაბომბვა, მიწისქვეშეთში გადაყვანა, ოჯახების იძულებითი ყოფნა სარდაფებში, ან როგორც ვნახეთ, მარიუპოლის იმ გიგანტურ ფოლადის ქარხანაში.მაგრამ რაც არ უნდა ეცადოს პუტინი ის ვერასოდეს გასტეხს მათ სულს. ის ვერასდროს გადალახავს იმ დაუოკებელ შეიარაღებულ ძალებს, რომლებმაც უკვე მოიგერიეს რუსული არმია კიევის კარიბჭეებთან ამიტომ მე უფრო დარწმუნებული ვარ, ვიდრე ოდესმე, რომ უკრაინა გაიმარჯვებს. უკრაინა თავისუფალი იქნება და სუვერენული უკრაინა კვლავ აღდგება."- განაცხადა ბორის ჯონსონმა

 ღონისძიების სახელწოდებით „მამაცი უკრაინა“  მიზანი სასიცოცხლო მნიშვნელობის თანხების შეგროვებაა ჰუმანიტარული რეაგირებისთვის. ჯონსონმა მოუსმინა უკრაინის პრეზიდენტის ვოლოდიმირ ზელენსკის ვირტუალურ მიმართვას, ვიდრე საკუთარ მოკლე სიტყვას წარმოთქვამდა. 

ავტორი: ექსპრესნიუსი,

სოციალური ქსელები

შსს ვახო სანაიას ამჯერად 2 Facebook პოსტის და 1 ვიდეოს გამო ედავება

ბრიტანეთმა პრორუსული დეზინფორმაციისთვის ნიკოლოზ მჟავანაძე და მამუკა ფიფია დაასანქცირა

სუს-ის უფროსის ყოფილი მოადგილე, ლევან ახობაძე 500 000-ლარიანი გირაოს სანაცვლოდ გაათავისუფლეს

3-4 ოქტომბერს „თბილისობა“ აღინიშნება - ხუთ ლოკაციაზე მრავალფეროვანი პროგრამა იქნება წარმოდგენილი