ამერიკის შეერთებული შტატების 43-ე პრეზიდენტი ჯორჯ ბუში ვოლოდიმირ ზელენსკის ტელეფონით ესაუბრა და მას "ჩვენი დროის უინსტონ ჩერჩილი" უწოდა. ამის შესახებ ინფორმაციას უკრაინის პრეზიდენტის ადმინისტრაცია ავრცელებს.

როგორც ბუში ინსტაგრამზე წერს, ამერიკის ყოფილმა პრეზიდენტმა მთელ უკრაინელ ხალხს აგრესორის წინააღმდეგ ბრძოლაში მხარდაჭერა გამოუცხადა.

"პატივი მქონდა, ამ დილით რამდენიმე წუთით მესაუბრა პრეზიდენტ ზელენსკისთან, ჩვენი დროის უინსტონ ჩერჩილთან. მადლობა გადავუხადე პრეზიდენტს ლიდერობისთვის, თავისუფლებისადმი ერთგულებისთვის და მაგალითისთვის, რომელიც აჩვენა. მივესალმე უკრაინელი ხალხის გამბედაობას. პრეზიდენტმა ზელენსკიმ დამარწმუნა, რომ ისინი არ დანებდებიან პუტინის ბარბაროსობისა და ავაზაკობის წინააღმდეგ ბრძოლაში. ამერიკელები შთაგონებული არიან უკრაინელების სიმტკიცითა და გამძლეობით. ჩვენ გავაგრძელებთ უკრაინელების გვერდით დგომას, როგორც ისინი დგანან თავიანთი თავისუფლების დასაცავად", - წერს ჯორჯ ბუში.

თავის მხრივ, ზელენსკიმ თქვა, რომ "ამერიკელები ღია ხალხია" და რომ უკრაინელებსა და ამერიკელებს აქვთ საერთო ღირებულებები.

ასევე, ვოლოდიმირ ზელენსკიმ ჯორჯ ბუში უკრაინაში მიიწვია. 

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს