ევროკავშირი უკრაინისთვის მარშალის ევროპულ გეგმას იწყებს. ამის შესახებ ევროსაბჭოს პრეზიდენტმა შარლ მიშელმა სააგენტო Interfax-Ukraine-თან ინტერვიუში აღნიშნა.

მიშელის აზრით, დონორთა კონფერენცია იქნება საწყისი წერტილი უკრაინის ევროპული მარშალის გეგმისთვის, რომელსაც დახმარება სჭირდება რუსეთის წინააღმდეგ ომის გამო.

„ახლა, ამ საუკუნეში, უკრაინის წინააღმდეგ ომი ადამიანური ტრაგედიაა, რაც იმას ნიშნავს, რომ დღეს შორსმჭვრეტელმა ლიდერებმა უნდა ავდგეთ და მივცეთ სიგნალი, რომ ვიქნებით გაბედულები, ჩვენ ვიქნებით უკიდურესად მტკიცე, რომ მხარი დავუჭიროთ უკრაინას არა მხოლოდ სიტყვებით, არამედ გამოსვლებით - ეს საკმარისი არ არის - ჩვენ გვჭირდება გადაწყვეტილებები, ფული, ძლიერი კოორდინაცია და პოლიტიკური ნება.

ჩემი აზრით, ეს კონფერენცია უნდა იყოს ამოსავალი წერტილი უკრაინის ევროპული მარშალის გეგმისთვის. ეს არის ზუსტად ის, რაც ჩვენ უნდა გავაკეთოთ, ჩვენ უნდა გავაგზავნოთ ძალიან ძლიერი სიგნალი, რომ მაქსიმალურად დავუჭიროთ მხარი უკრაინას,“- განაცხადა ევროსაბჭოს პრეზიდენტმა.

გარდა ამისა, მიშელმა გამოყო სამი პრიორიტეტი და სამი მიზანი, რომელსაც ხედავს სატრასტო ფონდის გამოყენებისას. პირველ რიგში, ეს არის ჰუმანიტარული დახმარება, მეორე - ლიკვიდურობაა და მესამე ქვეყნის რეკონსტრუქციაა.

გარდა ამისა ,მიშელმა აღნიშნა, რომ მნიშვნელოვანია, უკრაინის ხელისუფლებას უახლოეს დღეებში და კვირებში შეძლოს საჭირო თანხის ქონა, აღნიშნული მიზნების მისაღწევად.

კონფერენცია, პოლონეთის დედაქალაქ ვარშავაში გაიმართება.

ავტორი: ექსპრესნიუსი,

სოციალური ქსელები

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა

ზელენსკი: აშშ-მ მაიამის შეხვედრა პუტინთან შეთანხმებების დასაფარად გამოიყენა

ტრამპმა პუტინთან შეთანხმებას მიაღწია მას შემდეგ, რაც ზელენსკიმ მისი მოთხოვნები უგულებელყო - Axios