საქართველო მსოფლიო საფოსტო კავშირის (Universal Postal Union) მომსახურების ხარისხის ფონდის (Quality of Service Fund) თავმჯდომარის მოადგილე ქვეყანა გახდა.

„საქართველოს ფოსტის“ ინფორმაციით, უნივერსალური საფოსტო კავშირის მომსახურების ხარისხის ფონდი ფოსტის განვითარების დაფინანსების მსოფლიო მასშტაბის პლატფორმაა. ფონდის მიზანია, განვითარებადი და ნაკლებად განვითარებული ქვეყნების დანიშნული ოპერატორების საფოსტო სერვისების ხარისხის გაუმჯობესების ხელშეწყობა.

„უნივერსალური საფოსტო კავშირის მომსახურების ხარისხის ფონდის საბჭო შედგება 11 წევრი ქვეყნისგან. აღნიშნული ქვეყნებია: საქართველო, შვეიცარია, ამერიკის შეერთებული შტატები, ტუნისი, საფრანგეთი, ეგვიპტე, ინდოეთი, ჩინეთი, რუსეთი, ჩილე, ტაილანდი.

2022 წლის 4 მაისს, საქართველო თავმჯდომარის მოადგილე ქვეყნად შეირჩა კენჭისყრის საფუძველზე. „საქართველოს ფოსტის“ საერთაშორისო ურთიერთობებისა და საოპერაციო დეპარტამენტის ხელმძღვანელი ნუგზარ ბრეგვაძე ერთხმად იქნა არჩეული და დანიშნული 3 წლის ვადით. აღსანიშნავია, რომ თავმჯდომარე ქვეყნის სტატუსი მიენიჭა შვეიცარიას“, - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ბულგარეთის საგარეო მინისტრი: მნიშვნელოვანია საქართველოს ჩართვა შავი ზღვის უსაფრთხოების შესახებ დიალოგში

უკრაინაში კიდევ ერთი ქართველი მებრძოლი დაიღუპა

ოანა ცოიუ –საჯაროდ უნდა დავგმო რუსეთის მიერ საქართველოს ტერიტორიაზე ჩატარებული არჩევნები. ძალიან მნიშვნელოვანია, ეს ითქვას ძალიან მკაფიოდ

ბაიბა ბრაჟე- ქართველ ხალხს სურს, ევროპის ნაწილი იყოს, სამწუხაროდ, მთავრობას შესაბამისი ნაბიჯები არ გადაუდგამს