2022-05-04 22:39:53, 2075 ნახვა
ომი უკრაინაში
დავით არახამია - რუსული ჯარები აზოვსტალის ტერიტორიაზე არიან
რუსული ჯარები აზოვსტალის ტერიტორიაზე არიან. - ამის შესახებ ინფორმაციას უკრაინის უმაღლესი რადას ფრაქცია ხალხის მსახურის თავმჯდომარე, დავით არახამია ავრცელებს.
მისივე თქმით, უკრიანის ხეისუფლებამ აღადგინა კომუნიკაცია მარიოპოლის მცველებთან .
"ქარხნის შტურმის მცდელობები უკვე მეორე დღეა გრძელდება. რუსული ჯარები უკვე იმყოფებიან აზოვსტალის ტერიტორიაზე", - განაცხადა არახამიამ.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
