უკრაინის შეიარაღებულმა ძალებმა ოკუპირებულ ზმეინის კუნძულზე გაანადგურეს 40-ზე მეტი რუსი დამპყრობელი, ასევე 4 ერთეული საზენიტო სისტემა. ამის შესახებ ოპერატიული სარდლობის „სამხრეთის“ სოციალურ ქსელში გავრცელებულ განცხადებაშია ნათქვამი.

„სამი საზენიტო დანადგარი, Strela-10 საზენიტო სარაკეტო სისტემა, ასევე საკომუნიკაციო მანქანა - სერვერის ოთახი სატელეკომუნიკაციო აღჭურვილობით, განადგურდა ზმეინზე მტრის სამიზნეებზე მორიგი თავდასხმის შედეგად“, - ნათქვამია განცხადებაში.

უკრაინიკს ინფორმაციით, რუსი ოკუპანტები ხერსონის ოლქის ადმინისტრაციულ საზღვარზე – გეშტაბში შესასვლელად ემზადებიან. ასევე, საომარი მოქმედებები გრძელდება ნიკოლაევ-ხერსონის მიმართულებით. ისინი აგრძელებენ  საარტილერიო და ნაღმტყორცნების შეტევებს.

"დრონებით სიტუაციის დაზვერვის ახალი მცდელობებით, მტერმა დაკარგა კიდევ 2 ორლან-10 მიკოლაივის რეგიონში. ჩვენი ქვედანაყოფების დარტყმები დამანგრეველი იყო", - ნათქვამია განცხადებაში.

ცნობისთვის, 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ.

ავტორი: ექსპრესნიუსი,

სოციალური ქსელები

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი