რუსეთის ფედერაცია ცდილობს სხვა ქვეყნების ჩართვას, რათა მინიმუმამდე დაიყვანოს უკრაინის ომის დროს დაწესებული ეკონომიკური სანქციების დამანგრეველი შედეგები. ამის შესახებ უკრაინის თავდაცვის სამინისტროს სადაზვერვო მთავარი სამმართველო იტყობინება.

უკრაინის სამხედრო დაზვერვის თანახმად, მოსკოვი გეგმავს CSTO-ს ქვეყნებში (ბელარუსი, სომხეთი, ყაზახეთი, ყირგიზეთი, ტაჯიკეთი) მოაწყოს რუსული სამხედრო და ორმაგი დანიშნულების პროდუქტების კომპონენტების წარმოებას.

დაზვერვის თანახმად, მოსკოვი ასევე აწარმოებს მოლაპარაკებებს საქართველოსთან, სომხეთთან და აზერბაიჯანთან რუსული პროდუქციის საერთაშორისო ბაზრებზე რეექსპორტის შესახებ. იგეგმება ქართული, სომხური და აზერბაიჯანული პროდუქციის მიწოდება და მესამე ქვეყნებში გატანა. ამ ქვეყნებში უკვე 200-ზე მეტი კომპანიაა დაფუძნებული.

"საერთაშორისო ეკონომიკური სანქციების გავლენით რუსეთის ეკონომიკა უკვე მნიშვნელოვნად დეგრადირებულია. განსაკუთრებით დაზარალდა უცხოური წარმოების ტექნოლოგიებზე და კომპონენტებზე დამოკიდებული ინდუსტრიები.

რუსეთს სურს ისარგებლოს მჭიდრო კავშირებით ეკონომიკურ და სხვა გაერთიანებებსა და ალიანსებში, რათა თავიდან აიცილოს სანქციები,"- ნათქვამია განცხადებაში. 

დაზვერვა ასევე აღნიშნავს, რომ საჰაერო თავდაცვის აღჭურვილობის წამყვანი რუსული მწარმოებელი - სს "ულიანოვსკის მექანიკური ქარხანა" იზიდავს ყაზახეთს გერმანული წარმოების კომპონენტების მისაღებად. 

ავტორი: ექსპრესნიუსი,

სოციალური ქსელები

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს