რუსმა დამპყრობლებმა მორიგი დარტყმა მიაყენეს ხარკოვის ნემიშლიანსკის რაიონში მდებარე საცხოვრებელ ადგილებს, საავადმყოფოს და ინდუსტრიულ ზონას. ამის შესახებ ინფორმაციას უკრაინის საგანგებო სიტუაციების მართვის სამსახური Facebook-ით ავრცელებს.

როგორც სამსახურმა აღნიშნა, მტრის თავდასხმის შედეგად ორ საცხოვრებელ 9-სართულიან კორპუსს ცეცხლი გაუჩნდა. შენობაში ერთ-ერთი ბინის მეპატრონე მამაკაცი დაშავდა.

ამასთან ერთად, ხარკოვში ერთ-ერთი სამედიცინო დაწესებულების შენობა დაზიანდა. დაბომბვის შედეგად საავადმყოფოს ტექნიკური იატაკის ბეტონის კონსტრუქციები და ფანჯრის ჩარჩოები ნაწილობრივ განადგურდა, მეხუთე სართულზე კი ხანძარი გაჩნდა, რომელიც მაშველებმა სწრაფად ჩააქრეს.

შეგახსენებთ, რომ მანამდე 29 აპრილს რუსულმა ჯარებმა ხარკოვი 16-ჯერ დაბომბეს. ქალაქსა და რეგიონში თავდასხმის შედეგად 5 ადამიანი დაიღუპა, 11 კი დაშავდა.  ხარკოვთან ერთად, რუსმა ოკუპანტებმა  სოფელი იაკოვლევკაც გაანადგურეს.

ავტორი: ექსპრესნიუსი,

სოციალური ქსელები

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა