ამერიკის კონგრესი - მხარს ვუჭერთ გაყინული რუსული აქტივების უკრაინის დასახმარებლად გამოყენებას

2022-04-28 14:08:05, 1274 ნახვა

მსოფლიო

ამერიკის წარმომადგენელთა პალატამ დაამტკიცა კანონპროექტი, რომელიც აშშ-ს მთავრობას, სანქციების შედეგად კონფისკირებული რუსული აქტივების უკრაინის დახმარების მიზნით გამოყენებას სთავაზობს.

აღნიშნული ინიციატივის თანახმად, შეერთებული შტატების პრეზიდენტმა უნდა გადადგას კონსტიტუციით გათვალისწინებული ყველა ნაბიჯი, რუსი ოლიგარქებისთვის კორუფციითა და რუსეთის ფედერაციის ლიდერების მხარდაჭერის გამო, მიღებული ფინანსური აქტივების ჩამოსართმევად.

„აქტივების გაყიდვიდან შემოსული თანხა უნდა მოხმარდეს უკრაინის აღდგენას, სამხედრო და ჰუმანიტარული დახმარების გაწევას, ასევე უკრაინელი ლტოლვილების დახმარებას,"- ნათქვამია დოკუმენტში.

წარმომადგენელთა პალატის წევრების, ტომ მალინოვსკისა და ჯო უილსონის, ინიციატივას მხარი 417-მა კონგრესმენმა დაუჭირა, რვა - წინააღმდეგი იყო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,