2022-04-22 11:51:40, 1525 ნახვა

---

მსოფლიო ბანკი - რუსეთის შეჭრის შედეგად, უკრაინის შენობებისა და ინფრასტრუქტურის ზარალმა 60 მილიარდ დოლარს მიაღწია

რუსეთის უკრაინაში შეჭრის შედეგად, უკრაინის შენობებისა და ინფრასტრუქტურის ზარალმა 60 მილიარდ დოლარს მიაღწია და ომის გაგრძელების შემთხვევაში, ის კიდევ გაიზრდება. ამის შესახებ მსოფლიო ბანკის პრეზიდენტმა, დევიდ მალპასიმ განაცხადა.

მსოფლიო ბანკის დირექტორმა კონფერენციაზე უკრაინის ფინანსური დახმარების საჭიროებებზეც ისაუბრა და აღნიშნა, რომ „ვიწრო“ ზიანის ხარჯების ადრეული შეფასება, არ მოიცავს უკრაინის ომის მზარდ ეკონომიკურ ხარჯებს.

„რა თქმა უნდა, ომი ჯერ კიდევ გრძელდება, ამიტომ ეს ხარჯებიც გაიზრდება",- ამბობს მალპასი. 

ამავე კონფერენციაზე უკრაინის პრეზიდენტი, ვოლოდიმირ ზელენსკი ვიდეომიმართვით ჩაერთო და გაცილებით დიდი ხარჯებისა და დაფინანსების საჭიროებები წარმოადგინა. მან კონფერენციის მონაწილეებს განუცხადა, რომ უკრაინას, თვეში 7 მილიარდი დოლარი ესაჭიროება, რათა ანაზღაურდეს ქვეყანაში რუსეთის შეჭრით გამოწვეული ეკონომიკური ზარალი.

"მოგვიანებით, ყველაფრის აღსადგენად ასობით მილიარდი დოლარი დაგვჭირდება“, - განაცხადა ზელენსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი