რუსეთის ჯარები უარს ამბობენ ოკუპირებული იზიუმიდან ჰუმანიტარული დერეფნის ორგანიზებაზე. - ამის შესახებ ინფორმაციას იზიუმის საკრებულოს დეპუტატმა მაქსიმ სტრელნიკმა ისაუბრა.

მისი თქმით, შეუძლებელია ქალაქის ორგანიზებულად დატოვება უკრაინის მიერ კონტროლირებად ტერიტორიაზე, მაგრამ ხალხი ამის გაკეთებას საკუთარი რისკის ფასად ცდილობს.

"თვეზე მეტია ისინი უარს ამბობენ დერეფნების უზრუნველყოფაზე, რათა უზრუნველყოფილ იქნას საკვები, წყალი, მედიკამენტები და მოხდეს პაციენტების და ბავშვების ევაკუაცია. განადგურებულია ყველა კომუნიკაცია: არ არის შუქი, წყალი, სითბო, გაზი, მობილური კავშირი. იზიუმში მცხოვრებ ადამიანებს [ოკუპანტები] ფარად იყენებენ. არ ხერხდება ადამიანების ორგანიზებული გადაყვანა, მაგრამ ხალხი ამის გაკეთებას საკუთარი ძალებით ცდილობს. ჩვენი მოხალისეებიც ეხმარებიან, მაგრამ ეს ცალკეული შემთხვევებია,"- განაცხადა მაქსიმ სტრელნიკმა.

შეგახსენებთ, რომ რუსეთის აგრესიულ ქმედებებს არაერთი მოქალაქის სიცოცხლე შეეწირა. მათ შორის ქალებისა და ბავშვების. ამ ყველაფერს კი ევროპისა და აშშ-ს მხრიდან რუსეთის მიმართებით სერიოზული სანქციები მოჰყვა. პირველად სანქცირებულ პირებს შორის პუტინი და მასთან დაახლოებული პირები მოხვდნენ. 

ავტორი: ექსპრესნიუსი,

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ