რუსეთის სპეციალური სამხედრო ოპერაცია დასრულდება მაშინ, როდესაც ნატოს მიერ უკრაინის აღებასთან დაკავშირებული საფრთხეები აღმოიფხვრება,- ამის შესახებ რუსეთის საგარეო საქმეთა სამინისტროს დსთ-ს მეორე დეპარტამენტის ხელმძღვანელმა, ალექსეი პოლშჩუკმა TASS-თან ინტერვიუში განაცხადა. 

მისივე თქმით, სპეცოპერაცია დაგეგმილის მიხედვით მიმდინარეობს და ყველა მიზანი "მიღწეული იქნება“.

„სპეციალური სამხედრო ოპერაცია დასრულდება მაშინ, როცა მისი ამოცანები შესრულდება. მათ შორისაა დონბასის მშვიდობიანი მოსახლეობის დაცვა, უკრაინის დემილიტარიზაცია და დენაციფიკაცია, ასევე რუსეთისთვის უკრაინის ტერიტორიიდან მოსული საფრთხის აღმოფხვრა, ნატოს ქვეყნების მიერ", - განაცხადა რუსმა დიპლომატმა.

შეგახსენებთ, რომ რუსეთის პრეზიდენტმა ვლადიმერ პუტინმა 24 თებერვალს სატელევიზიო მიმართვისას განაცხადა, რომ დონბასის რესპუბლიკების მეთაურების თხოვნის საპასუხოდ მან მიიღო გადაწყვეტილება "სპეციალური სამხედრო ოპერაციის" განხორციელების შესახებ. რუსეთის ლიდერმა ხაზგასმით აღნიშნა, რომ მოსკოვს არ აპირებს უკრაინის ტერიტორიების ოკუპაცია და მიზანი იყო ქვეყნის დემილიტარიზაცია და დენაციფიკაცია. თუმცა, ვლადიმერ პუტინმა უკრაინაში საომმარი მოქმედები დაიწყო, სადაც მთავარი მსხვერპლი მშვიდობიანი მოსახლეობა აღმოჩნდა, მათ შორის ბავშვები. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს