უკრაინის გარდა, 13-მა სახელმწიფომ დაიწყო გამოძიება რუსეთის მიერ უკრაინაში ჩადენილ დანაშაულებზე,- ამის შესახებ ინფორმაციას უკრაინის გენერალური პროკურორი ირინა ვენედიქტოვა „ფეისბუკის“ გვერდზე ავრცელებს.

ირინა ვენედიქტოვა აღნიშნავს, რომ რუსეთის ქმედებების საპასუხოდ სამართლებრივი გზების მოძიება დაწყებულია. მისი განცხადებით, საერთაშორისო ექსპერტები ომის დანაშაულების დოკუმენტირებისა და გამოძიების მიმართულებით მუშაობენ.

„კრემლმა პასუხი უნდა აგოს უკრაინაში ჩადენილი ომის დანაშაულებისთვის იურიდიული, დიპლომატიური და ეკონომიკური კუთხით.მსოფლიო საზოგადოება გაერთიანებულია უკრაინაში მომხდარი სისასტიკის გამო რუსეთის პასუხისგებაში მიცემისათვის ყველაზე ეფექტური მექანიზმების მოსაძებნად.ჩვენი პარტნიორების მხარდაჭერა ახლა ფასდაუდებელია.  ექსპერტთა გუნდი აშშ-დან და ევროკავშირის ქვეყნებიდან  გვეხმარება ომის დანაშაულების დოკუმენტირებასა და გამოძიებაში. შევქმენით ერთობლივი საგამოძიებო ჯგუფი Eurojust-ის პლატფორმაზე. ჩვენ ასევე ძალიან აქტიურად ვთანამშრომლობთ სისხლის სამართლის საერთაშორისო სასამართლოსთან.მხოლოდ საერთაშორისო და ეროვნულ დონეზე ერთობლივი ძალისხმევით შევძლებთ ადეკვატურად ვუპასუხოთ რუსეთის ძალის და ადამიანთა ტანჯვის პოლიტიკას.მსოფლიო საზოგადოებამ ახლა უნდა გააგზავნოს მკაფიო სიგნალი, რომ საერთაშორისო დანაშაულის ჩადენა საერთაშორისო პასუხისმგებლობას გულისხმობს",- აცხადებს უკრაინის გენერალური პროკურორი.
 
უკრაინის გენერალურმა პროკურორმა პარტნიორებს  მოუწოდა, დაეხმარონ უკრაინას იარაღითა და სამხედრო ტექნიკით.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს