უკრაინის გენერალური შტაბის განხადებით, შავი ზღვის ფლოტის სამხედროებთან ბრძოლებში მნიშვნელოვანი დანაკარგების შემდეგ, რუსეთის სამხედროების ნაწილმა უარი თქვა ბრძოლაზე. ამის შესახებ გენერალური შტაბის დილის რეზიუმეშია ნათქვამი.

მათივე ცნობით, შავი ზღვის ფლოტის 126-ე სანაპირო თავდაცვის ბრიგადის დანაკარგები 75%-ს შეადგენს. შავი ზღვის ფლოტის 810-ე ცალკეულმა საზღვაო ბრიგადამ დაკარგა 158 სამხედრო მოსამსახურე, დაახლოებით 500 დაიჭრა, 70 ადამიანი კი დაკარგულად ითვლება.

"ამ ბრიგადების სამხედრო მოსამსახურეთა მნიშვნელოვანმა ნაწილმა დაწერა მოხსენებები, რომლებიც უარს აცხადებენ ეგრეთ წოდებულ „სპეციალურ ოპერაციაში“ მონაწილეობაზე",- აღნიშნავს გენერალური შტაბი.

ცნობისთვის, 18 აპრილს ცნობილი გახდა ომის ახალი ეტაპის დაწყების შესახებ. დონეცკის, ლუგანსკის და ხარკოვის რეგიონების თითქმის მთელი ფრონტის ხაზის გასწვრივ, დამპყრობლები ცდილობდნენ გაერღვიათ უკრაინის თავდაცვა.

რუსეთის ფედერაციის ძირითადი ძალისხმევა მიმართულია დონეცკისა და ლუგანსკის რეგიონების ტერიტორიებზე სრული კონტროლის დამყარებაზე და ადრე ოკუპირებული ტერიტორიის შენარჩუნებაზე.

პარალელურად გრძელდება მარიუპოლის ბლოკადა და დაბომბვა, ასევე რუსული სარაკეტო თავდასხმები სხვა ქალაქებზე.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს